Эмилбек МОМУНОВ: Президентибиздин байлыгын ачык айтканы жакшы, бирок…

Эмнегедир президентибиз А.Атамбаев өзүнүн бай экендигин, ал тургай Эгемендиктин алгачкы жылдары эле мультимиллионер болуп, биринчи президент А.Акаев “Вольво” менен жүргүндө “Мерседес” мингендигин көп айтууда. Баарынан да ал мындай сөздөрүн чет элдик дипломаттардын Ишеним катын алганда, чет өлкөгө расмий иш сапар менен барганда, акыркы ирет Россия президенти В. Путин расмий иш сапар менен Бишкекке келип, биргелешкен маалымат жыйын өткөргөн учурда да кайталады. Ал эми коомчулук президенттин байлыгы тууралуу сөзүн ар кандай кабыл алып, өз деңгээли жана мамилесине карап баа берүүдө. Мен […]

Үч аркар

Алтай жомогу Алтайда Кудайберген деген бир карыя жашаган. Карылыктан териси катып, сөөгүнө жабышып, сакалдары куу эчкинин жүнүндөй ыраң алган. Тиштери саргарып бүткөн. Анткен менен абышка өзүнө тың эле, ыкчам, жеңил жүрчү. Ал мал бакпаган, жер айдабаган, бир гана көргөн күнү, кылган иши мергенчилик болгон. Кала берсе минерге аты да жок эле, ат тургай атка токуур ээри да жок. Бар оокаты – жаасы жана үч ити. Бир мертебе иттер жыт искеп отуруп, из кууп аркарларга жакындады. Алар үчөө экен. Иттер да […]

Сурамжылоо: Ажобуз мультимиллионер экенине кандай карайсыз?

Токтогул КАКЧЕКЕЕВ, саясат таануучу: Биз капиалистик доордо жашап атабыз, мамлекеттик менчик миллиондорго айланган, буга парламент мыйзам түрүндө жол берген. Ким айлакер болсо, байлык ошонун колуна тийген. Миллионер болгондор жеке эле президент эмес да, бирок замандын талабы болсо боло берсин, криминалдык жолдон тышкары. Кутуйтегин (Атын атагысы келбеген коомдун алдыңкы өкүлдөрүнүн бири): Ажобуз ар дайым байлыгы менен мактанат, бирок бир да жолу расмий түрдө кайдан келген байлык экенин айткан эмес. Биздин өлкөдө миллиондогон акча табыш өтө оор, муну ар бир эле жаран […]

Качкыналы СЫДЫГАЛИЕВ: Кыйшык босого

АҢГЕМЕ Мамбет кайраттуу киши. Малдуу, жандуу. Алтымышка келсе да тизгинди колдон чыгарбай, үйдүн туусу. Айтканы айткан, дегени деген. Алган аялы да, балдары да ага көнгөн. Каяша айтуу деген жок. Эл арасында кара кылды как жарган калыс, барктуу адам. Үч кызын тууруна кондуруп, эки уулун үйлөндүрүп, кезек кичи уулуна келгенде чатак башталды. Убадалашып, кудалашып койгон кызга караманча кашайып үйлөнбөй койду. — Ээ, Ысмайыл балам,- деди атасы уулун маңдайына отургузуп алып,- сени кудай берип, сен жарык дүйнөгө келгенден кийин бир ай өтпөй […]

Алик АКИМАЛИЕВ: Гений жөнүндө ой тамчы

ЭССЕ Гений — бул бар тобокелчилик! Гений — бул тынымсыз, такай изденүүчүлүк жана өзүнө эч бир канааттанбоочулук, эч кимге, башкага ыраазы болбоочулук. Гений бул — ар нерсеге шектенүүчүлүк, баары ынанган нерсеге ичтен ишенбөөчүлүк. Гений — бул дүйнөнүн түбүн түшүрө кароочулук. Гений — бул кыскалык, нускалык. Вундеркинддер — жаш генийлер, балакай машаяктар, эрте ачылган байчечекей гүл сыңары жөндөмдүүлүк. Гений — бул өз доорунан алда канча алдыга кетип калуу жана тарыхка, өткөн доорлорго дагы арыраак артка кетип калуу, келүү да. Жана милдет […]

Сынакка: Айылыбыздагы Ак-Дөбөнүн тарыхы

Менин айылым №6 Мен кичинемден эле айылымдын Ак-Дөбө деп аталаарын билчүмүн. Бирок эмне себептен андай аталганын билүү оюма да келбептир. Бир күнү эжейбиз Айганыш: «Балдар, силер билесиңерби, айылыбыз эмне себептен Ак-Дөбө деп аталып калган?» — деди. Ошол убактан баштап себебин билүүгө кызыктым. Айылдагы улуулардан, тарыхчы Нурманбет агайыбыздан сурамжыладым. Көрсө, мурда атайылап курдурган кароол дөбөлөр болгон экен. Ошондой дөбөлөрдүн бири биздин айылда болуптур. Ал тургай ал дөбө биздин үйүбүздүн жанында турат. Кыш мезгилинде мен ал дөбөгө досторум менен жылгаяк тээп ойносом, […]

«Шүмшүктөрдүн жападан жалгыз сыйынары – патриотизм»

Генри Луис МЕНКЕН (1880-1956), америкалык журналист жана эссеист Падыша падыша болуп жаралбайт, эл аны падыша кылат. * * * Демократиялуу өлкөдө эң демократиялуу адам эмес, эң зөөкүр адам популядуу болот. * * * Сэмюэл Жонсондун «шүмшүктөрдүн жападан жалгыз сыйынары – патриотизм» дегени чын. Бирок бул да толук эмес чындык. А мен: «Патриотизм – шүмшүктөрдүн чоң уюгу» дээр элем. * * * Молдо менен попту бейишке барам дечүлөргө билет аперчү чайкоочу деп түшүнөм. Вернер МИЧ (1936), немис афористи Согушта жеңген тараптын […]

Сулайман РЫСБАЕВ: Сөз жөнүндө дастан (1-этюд)

СӨЗ — ЫЙЫК, СӨЗ — КЕРЕМЕТ Сүйлөп жатканы эле болбосо, бардык адам эле сөз биле бербейт. Сөз билген адам анын ички поэтикасын, тышкы музыкасын сезет, туят. Сөз билген адам сүйлөсө ал ырдап тургансыйт. Сөз, адамдын ички жигерин аныктап билгизет. Сөз билген, анын баасын, күчүн туйган адам таасын, так сүйлөйт, тандап, таап айтат. Өз учурунда гана айтат. Ага ошол акырын айткан бир ооз сөзү жетиштүү болот. «Cөз билген адам таап сүйлөйт, билбеген адам каап сүйлөйт» деген ошо. Керек учурда гана айтылган […]

Камчы колдо, калпыс жолдо…

Бийлик кумарына мас болгондор соолукпайт Башмыйзамды ажоң сыйлабай туру, башка кимиң сыйлайсың? Сыйлабаганы шу: жакында «Өнүгүү» фракциясынын төрагасы Бакыт Төрөбаевдин сөзүнө Атамбаев өзү шилтеме кылды. «Балык парламент ушундан гөрө тарап кетпейсиңерби» деп адаттагысындай ачуусун бүрктү. Ачуусу мурдунун учуна жетиптир, тилинин учунан чыкты. Муну менен парламентке ачыктан ачык басым-кысым көрсөтүп, Башмыйзамда кашкайып көрсөтүлгөн: мамлекет парламенттик башкаруу жолуна өткөнү эсинен тарс чыгып, мурдагы устаты К.Бакиевдин жолоюна түшкөнүнөн кабар берди. Тизгин колдон чыгаарда да бийлик президенттин курчоосундагылардын үстөмөндүгү менен жүргүзүлөрүн туюнтту. А депутаттардын […]

Айзада АБАЗОВА: Кичинекей үйдөгү чоң бакыт

АҢГЕМЕ Бул окуя күтпөгөн жерден болду. Айжан күйөөсү менен таарынышып, кызы менен баласын алып айылдагы үйүнө барган. Ата-энесин капа кылбаш үчүн балдары жайкы каникул учурунда отпускага келдик деп коюшту. Бирок эне жүрөгү аны сездиби, улам сурай берди. Ага Айжан да моюн бербей, «күйөө баланын иштери жакшы, кошо келүүгө жумуштары чыгып, бошой албады» деп жооп берип атты. Анткен менен мунусу эч нерсеге арзыбай калды. Балдары заматта «атам менен апам урушуп, биз уруксат сурабай качып келе бердик, апам бир аз атаңардан эс […]