Эки улак

Тажик жомогу Дарыянын эки жээгинде эки улак оттоп жүрүптүр. – Эй, тууганым, кел ойнойбуз! Мен сен жакка өтөйүн, – дейт бири арыктагы устунду карай басып. – Жок, мен сен жакка өтөйүн, – дейт тигиниси устунга кадамын таштап. Экөө бирдей устун аркылуу тигил өйүздөн бул өйүзгө өтмөк болушат. А устун ничке экен. Эки улак устундун ортосунда бетме-бет туруп калышат. Биринен бири айланып өтө алышпайт. – Артка жылчы кычашпай, мен өтөйүн! – дейт биринчиси. – Өзүң кычашпачы, жыл артка! – экинчиси чунаңдайт. […]

Даңгыт жөнүндө уламыш

ОКШОШТУК «Ит тукуму – кумайык» дейт илгертен кыргыз. Даңгыт бирок кумайыктан айлансын. Даңгыт илгери эле чыгыптыр. Кумайык тукумунан эмес экен ал. Билермандар аны бычылган дөбөт ит дейт. Адам колу менен бычылбаптыр даңгыт. Эки ит талаша кетип, бири экинчисин баса калат да, алдында жыгылгандын калтагын чайнап салып, шалтурук кылып таштаган экен. Чала бычылып калыптыр. Чала бычылганы менен даңгыттан деле тукум тарайт экен, бирок кадыресе ит тукумуна окшобойт экен алардыкы. Тукумум калсын деп, канчык көрсөле баса калмайы бар дейт. Көрүнгөн канчыкка асылбайт […]

Келдибек Ниязов: Кара-Үңкүр конушунан салам кат

1-бөлүм — Апа, денсоолук кандай? Өзүм болсо аман-эсенмин. Момун аттуу жигитке турмушка чыктым. Ал Ош базарында «Тачкисттер» деп аталган компанияда иштейт. Орус кемпирдикинде батирде турабыз. Суранарым, келе көрбөгүлө, өзүбүз чакырабыз. 2-бөлүм — Апа, сүйүнчү, уул төрөп, атын Эркиндик койдук. Караүңкүр конушунан жер алдык. Момун базардан көтөрүлдү. Ал азыр Молодая Гвардиядагы «Биржа труда» деген жеке компанияда иштеп жатат. Үйүбүздү бүтүп, анан чакырабыз, келе көрбөгүлө! 3-бөлүм — Апа, Эркиндик чоңойду. Мектепке барбай эле Аламүдүн базарындагы «Обувщик» фирмасында өтүк жалтыраткыч болуп иштеп жатат. […]

Жакып Кадри КАРАОСМАНОГЛУ: Көгүчкөн аңчылыгы

Түрк тилинен которгон Урматбек НУРСЕЙИТ уулу АҢГЕМЕ — Жоок, көгүчкөндөрүмө тийбегиле, — деди. Улгайып калган чарба ээсинин бул жашоодогу сүйүктүү нерселеринин бири же балким эң биринчиси көгүчкөндөрү эле. Жаш кезинен бери атканасы, малканасы, тоокканасы же дыйканчылыгы аны чарбанын ички короосундагы көгүчкөндөрүндөй убарага салган эмес. Ошондуктан айылда болсун, шаарчада болсун үй-бүлөсүнүн атак-даңкына карабастан, кушчу Хүсейин мырза дешпесе эч ким тааныбайт. Хүсейин мырзанын кушчулугу бардык нерсесинен жогору турат. Өмүрүндө ушундай окуялар болду дейсиң: аялын, кыздарын, маанилүү иштерин ушул кызыгуусуна жана көңүл ачуусунун […]

Жалалидин ЖЭЭНБАЙ «Эртең куйрук жегиң келсе, бүгүнкү өпкөдөн баш тарт» дейт

Жаңычыл көзкараш Жалалидин ЖЭЭНБАЙ агабыз учурда Бириккен Араб Эмиратындагы Абу-Даби шаарынын Зайд Университетинде эмгектенген мекендешибиз. Бул маекте бүгүнкү күндөгү коомдук процесстерге болгон көзкарашын жана элибиздин кулк-мүнөзүнө таандык сапаттар туурасында кеп учугун баштайт… – Адегенде өзүңүз туурасында атпай-журтка азын-оолак баян куруп бербейсизби. Америкада, кийин Абу-Даби шаарынын Зайд Университетинде кантип иштеп, кантип профессор наамын алдыңыз? – Олжобай иним, мен мурда Америкага барып жашайын же иштеп калайын деп план да, аракет да кылган эмесмин. Тек гана Америкадан үйрөнө турган нерселер көп экенин жакшы […]

Азимбек БЕКНАЗАРОВ: Атамбаевдин президенттик доору

Башын береги шилтемелерден табасыз: (1-баян) Азимбек БЕКНАЗАРОВ: Атамбаевдин доору, (2-баян) Азимбек БЕКНАЗАРОВ: Өткөөл мезгилдин бийлиги, (3-баян) Азимбек БЕКНАЗАРОВ: 2010-жылдын апрель, май айындагы окуялар (4-баян) Азимбек БЕКНАЗАРОВ: 2010-жылдын апрель, май, июнь окуяларын иликтөө жана анын тыянактары III БӨЛҮК Жогоруда айтылгандай, 2010-жылдын декабрь айында 2-жолку аракетте мүмкүн Ө.Бабановдун ишмердүүлүгүнүн эмес, “чайкоочулук ишмердүүлүгүнүн” натыйжасында Жогорку Кеңеш башында КСДПнын лидери А.Атамбаев турган коалициялык Өкмөттү түзүүгө жетишти. Атамбаев максатына жетти. Ал эми өзүм спикер болом деген Текебаев максатына жетпей калды. Ал, анын партиясы “Ата-Мекен” Парламенттик оппозицияда калды. Ушул жерде Парламенттик оппозиция жөнүндө […]

Өзүн эркин сезген улут гана улуттук кулк-мүнөзүн сактайт

Жермена де СТАЛЬ (1766-1817), француз жазуучусу Бирөө менен аңгемелешкениң деле өз кезегиң келгенде жүрүш жасаган оюндай уланыш керек. * * * Сезимсиз адамдарга зыкым болуш оңой. * * * Гений – аял-эркекке бөлүнбөйт. * * * Бир да мыйзамды бузбай аңкоо көрүнгөндүн миң амалы табылат. * * * Сүйүү – аялдар үчүн өмүр баян, эркектер үчүн жашоонун бир үзүндүсү. * * * Биз эң жакын адамдарыбыздын биринен айрылган күнү гана биринчи жолу өлүм эмне экенине түшүнөбүз. * * * Кандай […]

Ысмайыл КАДЫРОВ: Гүланда

АҢГЕМЕ Октябрь майрамынын алды. Гүланда көчө жээгинде ойлуу келаткан. — Салам! – деген үн чочутуп жиберди. — А салам!  Маңдайында турган жигит Жапар экен. — Оюңузду бузуп койдук көрүнөт? — Жок, жок, мен өзүмчө эле… — Мен сага атайын келаттым эле. Ырас болбодубу жолугуп калганыбыз. Убактың болсо киного кирбейлиби!? — Мейли. Алар ал-жай сурашып, андан ары узашты. Жапар Гүланданын эски таанышы боло турган. Алар кайсы бир кечеде таанышкан эле. Кинодон чыгышкан адамдардын кай бирлери кинону талкуулап көчө бойлой басышса, айрымдары […]

Төлөгөн КАРЫКЕЕВ: Табуретка

САТИРА «Баа» – деп бакырып жарык дүйнөгө алгачкы башбаккандан бери кресло минип келатканым келаткан. Эң биринчи креслом бешик болду. «Алтын бешик» деп коюшчукен, мага ошо жылтыраган темири бөтөнчө жакты. Ошондон уламбы, бешикте бери жагы беш жыл жаттым. Артымдан «аңдып» келген инилериме бешикти бергим келген жок. Алар бок-сийдикке аралашып жөрмөлөп жүрүп эле, жетиге чыкканча жерден таяк жеп жүрүп эле, мени терметип жүрүп эле кол арага жарап кетишти. Беш жашымда бешиктен түшүп, табуреткага отурдум. Мурдагы «Бешик сакчы» деген каймана атым өчүп, «Табуретка» […]

Ризван ИСМАИЛОВА: Окулбаган каттар

АҢГЕМЕ Жаңы ишке көпкө көнө албай жүрдүм… Мурда мектепте иштегенде сабагымды окутуп коюп, үйгө «жылт» койчумун. Ата-энемдин бешенесинде үлпүлдөп жүрүп, жогорку окуу жайын бүткүчө турмуш эмне экенин түшүнбөпмүн. Беш кыздын кенжеси дешип, эпсиз эркелетишкениненби, көңүлүмө жакканын жасап, өз тагдырымдын ээси «өзүммүн» деп, ичимен дердейгеним куп бекер болду. Институтту бүтүп, эки-үч жыл иштеп калганымда колумду сураган киши чыкпады. Балдар дүйнөсүнө аралашып, чыга албай жүрүп, баштараак арадан жети-сегиз жыл өткүчө деле анчалык эрөөн-төрөөн алганым жок. Жанда жок кыялкеч элем. Кыялдангандан эч тажачу […]