Пьер ДАНИНОС
(1913), француз жазуучусу

 Жашоодо бири ашкере узун, бири ашкере чолок сүйлөйт. Ток этер сөз драматургдарга гана дайын.

* * *

Түшүнбөйм, адамдар театрга жөтөлүш үчүн барабы же кээси театрга барганы үчүн жөтөлөбү?

* * *

Ишиң жүрүшүп, итиң чөп жеп калганын өзүң байкабашың мүмкүн, муну салыкчылар биринчи байкайт.

 

Веслав БРУДЗИНЬСКИЙ
(1920-?), поляк сатириги

Эң кооптуусу – өз көлөкөң. Себеби ал эч качан кайда кыйшаярын билбейт.

* * *

Туугандары жакыр үйбүлөнүн башынан азап кетпейт.

* * *

Эки кишиге чыдамдуу бол: өзүңө, анан иштеги жетекчиңе.

* * *

Жаңы эмес, эски катаңды оңдош кыйын.

* * *

Ушакты тотукуштай кайталабай, өзүң да бир нерсе кыпчы.

* * *

Чөгүп бараткан корабль капитанынын милдетин сага буюрса, дароо баш тарт.

* * *

Коркок коён күлкүлүү, баатырсынганы андан бетер. Бүкүлү бышырылган коён гана намыстуудай, сыр билгизбейт.

 

Кароль БУНШ
(1898-?), поляк жазуучусу

 Эч кимден жардам сурабаган адамга жардамдашууга баары даяр.

* * *

Кудай адамды жараткан соң шайтандын керексиз экенин түшүнгөн.

* * *

Бир адамга караганда элди алдаган оңой.

* * *

Кесилген башты жаакка чабалбайсың.

* * *

Эрди-катын турмушу – майыптыкка үйрөнгөндөй чыдамкай болуу.

* * *

Сарамжалдуу адам биринчи сатып алган уйдун сүтүнөн түшкөн кирешеге экинчи жолу да уй сатып алат.

Илья ИЛЬФ
(1897-1937), орус жазуучусу

 Төрт актылуу пьесанын экинчи актсынан өлгөндү эч бир актер каалабайт.

* * *

Аппетин узун кезекте турганда ачылат.

* * *

Поездде зериккенден китеп окуйсуң. А трамвайда кызыкканыңдан.

* * *

Эгер окурман жазуучуну билбесе, ал окурмандын эмес, жазуучунун күнөөсү.

* * *

Сен мага эмне окуп атканыңды айтчы, мен анан кимдин китебин уурдап алганыңды айтайын.

* * *

Эски анекдоттор эскирбейт.

* * *

Тазалыкты сөз кылгандан тазалык болуп калбайт, шыпырыш керек.

Орусчадан оодарган О.Шакир

Добавить комментарий

Ваш e-mail не будет опубликован. Обязательные поля помечены *