Адамдар бири-бири менен кармашып, бири-бирин тытышкан мезгил да акыры токтойт. Ошондо бири-бирин түшүнгөнгө макулдашып, ким кандай болсо дал ошондой кабыл алууга көнөт. Теңирдин теңдиги ушул.

* * *

Ийгиликке татыктуу жеткенге караганда артынан түшүп жеткен оңой.

* * *

Сүйдүңбү? – демек, ошол адам менен бирге картаюуга макул бол.

* * *

Кудайсыз деле такыба жашаса болот.

* * *

Биз Кудайга эмнеге жалынабыз? Жетүүгө эч мүмкүн эмес тилегибиз орундалсын үчүн.

* * *

Адамдар алкоголдук ичимдикти эмнеге жакшы көрөт? Адамдын адамдык сезимин уктатып, айбандык сезимин ойготуш үчүн.

* * *

Жаш улгайган сайын ар ким өз жүзүндөгү бырышка жооп берет.

* * *

Эркин басма сөздөрдүн жакшысы да, жаманы да болот, бул турган иш. Бирок бир нерсени унутпагыла, эркин эмес басма сөздүн жаман жактары көп болот.

* * *

Дайыма түз жүргөнгө аракет кылганың – уятсыздыктын белгиси.

* * *

Ким түшүнүктүү жазса, анын окурманы, ким түшүнүксүз жазса, комментатору болот.

* * *

Революционерлердин бардыгы эң акырында баш кесер же сандырак болуп тынат.

Орусчадан оодарган Олжобай ШАКИР

Добавить комментарий

Ваш e-mail не будет опубликован. Обязательные поля помечены *

Этот сайт использует Akismet для борьбы со спамом. Узнайте как обрабатываются ваши данные комментариев.