Авар жомогу: Түлкү  менен  каз

Күндөрдүн бир күнүндө түлкү менен каз чогуу жашай баштайт. Мунун эң жакшы жери — бири тамак издеп кеткенде, бири балдарды карап калмак болот. Ушинтип ынтымак менен бир топ убакыт жашашты. Бир күнү каз токойго тамак издеп кетип, түлкү балдарды карап калды. Күн ачык-жарык болгондуктан ал өзүнүн бачкилери менен каздын жөжөлөрүн сыртка ойнотуп чыкты. Курсагы ачкан түлкү чыдабай кетип бир жөжөнү жеп алды. Каз кайтып келип, түлкүдөн сурайт: — Мен жокто эмне жаңылык болду, балдарыбыз кандай? — Ишибиз чатак, — деп […]

Дилазык: Үй-бүлө бактысы

ПРИТЧА Менин үй-бүлөмө арналат. Эне деген эмне? Бул күндүн биринчи нуру, биринчи дем алууң, биринчи кармаган адамың, биринчи уккан сөзүң, биринчи көз карашың, биринчи жылмаюуң. Эне – бул колдору менен дүйнөнү тааныткан адамың. Ата деген эмне? Ата – бул биринчи устатың, биринчи бел курчооң, биринчи сабагың, чын дилден биринчи сүйлөшүүң, биринчи коргооң, биринчи аскаң жана таянычың. Ата – бул биринчи чебиң. Ага-ини деген эмне? Агаң – биринчи жардамчың, оюндагы биринчи өнөктөшүң, биринчи сынчы, биринчи дос. Ага – экинчи канатың. Эже […]

Аман САСПАЕВ: Чөйрө

АҢГЕМЕ Өзү жокто «абышка» деп коюп жүргөн, азыркы биздин үйдүн карысы Бегимбай, атамдын атасы – өзүмдүн чоң атам болот. Өз атам болсо, Ата Мекендик согушта, алыскы бир жерди жазданып түбөлүк көз жумган. Абышканын жашы сексенге таяп калса да, атка какайып отуруп алып, алыскы туугандарга чейин барып учурашат. Жүрүш-турушу чыйрак, акыл-эси да өз жайында. Ал мени чоңоюп калган кезимде да орунсуз эркелетип жүрдү. Анын ушул баласаактыгын ойлоп, кээде, алыскы бир жерлерге кетип калгым да келүүчү. Бирок куу чал так эле ушул […]

Конфуций: Үрп-адаттар жана милдеттер

Асылзат адам  милдет менен парзды биринчи орунга коёт. Эгерде анын эрдиги гана болуп жоопкерчилик сезими жок болсо, чыр чыгарышы ыктымал. Эрдиги гана бар, жоопкерчилик сезими жок пас адам каракчы болуп кетиши мүмкүн. * * * Жеке кызыкчылыкты эле ойлой берүү душмандашууга алып келет. * * * Колго тийген тамакты жеп, муздак суу ичип, жаздык ордуна колуңду башыңа жаздап жатып да бактылуулукту сезсе болот. Ыймансыздык жана терс иштер аркылуу жеткен байлык менен мансап, менин көз карашым боюнча асмандагы булуттай туруксуз. * […]

Гораций: Байлык менен тукумуңду өзгөртүү мүмкүн эмес

Убакыт өтүп атат, ал эми жашооң болбогон нерселерге короп жүргөнүнөн кабарың бар бекен? (Макс Фрай) * * * Ийгилик формуласы өтө татаал болсо, азаптын формуласы жөпжөнөкөй экен. Ал: баардыгына жагуу үчүн болгон эле аракет. (Дональд Трамп) * * * Ийгиликтин багыты биз жылуу жайдан ызгаарга чыкканда гана көрүнөт. (Майкл Жон Бобак) Акылман акчаны жүрөгүндө эмес, акылында кармайт. (Жонатан Свифт) Актануу адамды жакырчылыкка жетелейт. (Роберт Киосаки) Сен акчаны башкарасың, же жок акча сени башкарат. (Дейв Ремси) Жакыр адам бул — акчасы […]

Рене РОСИНИ: Өмүр бою бизде сакталып  кала турган ардактуу эстелик

Француз тилинен которгон Бактыгүл ИМАНБЕК кызы АҢГЕМЕ Бүгүн баардыгыбыз мектепке көңүлүбүз  куунак келдик. Анткени жалпы классыбыз менен сүрөткө түшө турган күн. Эжейибиз айткандай, ардакталып өмүр бою бизде сактала турган сүрөткө түшүүчү күн. А түгүл баардыгыбыздын таза, тыкан, жуунуп-таранып келүүбүздү да эскерткен эле. Ушундай сонун маанай менен кыялдарга чулганып келдим да, баягы биздин класс чогулган жыйынга аралаштым. Жыйындын так ортосунда Жофройду эжейибиз ортого алып жемелеп аткан экен. Жемелей турган деле жөнү бар, анткени ал сүрөткө түшүү үчүн моряктын формасын кийип келиптир. […]

Перизат АЛМАЗОВА: Бир келген өмүрдө мөлтүрөгөн булактай өмүр жарат

Ой!.. …Туп-тунук – булакта суу ойноп агат!.. Толкуп-ташып тоолорду бойлоп барат, Байчечекей жээгинде чачын тарап – жерден көккө өсүүдө тип-тик карап… Кара жердин оозуна каймак тамат, Ой-бойумду балкытат – Ой-бой рахат!.. …Рахаттанып жанар тоо жарк-жарк жанат!.. Чокусунда шумкар сызып аппак канат, Этегинде эркелешип эликтерим – Кучакташып кулундарым балкып жатат!.. Жарыктыктын ушинтип таңы атат… …Таңы атат, Күнү батат, суусу агат!.. Адамзатым жанар тоодой ӨМҮР жарат!!! Сенден мөлт-мөлт мөлтүрөгөн көңүл тарап. Бүт ааламдын баарына жашоо тамат!.. Акыл …Акыл, Акыл!.. Акыйкаттын хан пири! […]