Сандардын сыйкырлуу өлкөсүндө Кошуу жана Алуу деген эки бир тууган жашаптыр. Кошуу өзүн аябай жогору коюп, минтип мактанчу экен:

— Мен бул өлкөдө эң негизгисимин: сандарды бири-бирине  кошпосом эч нерсе көбөйбөйт. Ал эми сен болсо кемиткенден башканы билбейсиң, эч кимге эч кандай пайдаң жок.

Күндөрдүн биринде ушул сөздү уга берип жадаган Алуу таарынган бойдон кетип калат. Ошентип ал кетип баратып кимдир-бирөөлөрдүн жардам сураган аянычтуу үндөрү угулат. Ал чуркап келип караса, шаарга  сандар кол салыптыр. Алар абдан көп экен. Кошуу аларды ого бетер көбөйтүп салыптыр. Жаңы эле пайда болгон 5000 саны заматта 10 000ге жетти. Эмне кылыш керек? Алуу ойлонуп-ойлонуп акыры башына жакшы бир  ой келди. Ал дароо эле 10 000ден 9999ду алды эле, шаарда 1 деген гана сан калып, аны шаар эли туткундап алышты.

Ошондон соң Алуу бул шаарда абдан барктуу  белгигиге айланган экен.

Интернеттен алып которгон Кубанычбек АРКАБАЕВ

Добавить комментарий

Ваш e-mail не будет опубликован. Обязательные поля помечены *