Биздин имараттарыбыз бийиктеген сайын — сабырыбыз төмөндөп барат.

♦ ♦ ♦

Жолдорубуз кеңейген сайын — көз караштарыбыз тарып баратат.

♦ ♦ ♦

Көп коротобуз, көптү сатып алабыз, бирок коротконубузга нараазыбыз, сатып алганыбызга кубанбайбыз.

♦ ♦ ♦

Чоң үйлөрдү салабыз, а анда жашагандар аз.

♦ ♦ ♦

Чоң үйлөр салынган сайын чоң үй-бүлөлөр азайып баратат.

♦ ♦ ♦

Жашоону ыңгайлоо менен убарабыз. Ал ыңгайлашкан сайын убакыт да эч нерсеге жетпес болду.

♦ ♦ ♦

Билимдин күчтүүсүн алабыз, бирок акылыбыз аз иштейт.

♦ ♦ ♦

Билермандарыбыз көп, андан проблемаларыбыз азайып калган жок.

♦ ♦ ♦

Медицина өнүккөн сайын ден-соолугубуз начарлап барат.

♦ ♦ ♦

Юмор көп, бирок жылмайган адам аз.

♦ ♦ ♦

Дааватчылар, молдолор көбөйдү, бирок адепсиздик андан көбөйүп, ыйман, пейил жок.

♦ ♦ ♦

Көп уктайбыз, бирок эс албайбыз.

♦ ♦ ♦

Унааларыбыз тез жүрөт, бирок туугандарга такыр жетпейбиз.

♦ ♦ ♦

Билимге умтулабыз, бирок баалуулуктарды жоготтук.

♦ ♦ ♦

Көп сүйлөйбүз, бирок түшүндүрө албайбыз.

♦ ♦ ♦

Сүйүүнү көп сүйлөйбүз, бирок көп жек көрөбүз.

♦ ♦ ♦

Туура жолду билебиз, бирок кыйналып жашайбыз.

♦ ♦ ♦

Өмүргө жылдар кошула берет, бирок ал жылдардын жаны жок, өлүк денедей, агып кете берет.

♦ ♦ ♦

Космос жөнүндө адашпай сүйлөп бере алабыз. Бирок бир адам менен он жолу телефондошуп, араң табышабыз.

♦ ♦ ♦

Чоң иштерди сүйлөйбүз, кичине иштерди кыла албайбыз.

♦ ♦ ♦

Жаратылыштын экологиясы деп кыйкырабыз, жаныбыздын экологиясына кам көрбөйбүз.

♦ ♦ ♦

Көптү пландайбыз, азга жетебиз.

♦ ♦ ♦

Шашканды үйрөндүк, бирок күткөндү унуттук.

♦ ♦ ♦

Интернетте досторубуз көп, жашоодо эч кимибиз жок.

8 Replies to “Элмирбек ИМАНАЛИЕВ: Дааватчылар, молдолор көбөйдү, бирок…”

  1. Акыр кыямат белгилери жакындап, баардык нерседен береке кетип турган чакта, дааватчынын кылган насаатын аңдап, кабыл кылгандардан — «кылбай», балким очошуп аларга асылып, тескери иш кылгандары басымдуу болгондуктан коомубуздун онолуп алдыга жылуусу өтө жай, балким кээ бир тараптан артка кетүүдө… 🙁

  2. Бирөө айткан экен, кээ бир китептер маалымат берет, кээ бири реформа кылат, бир гана Библия адамды трансформация кылат деп…

    1. Мусулман болуп торолгондон кийин, мусулман болуп олуш керек.Кайдагы Библияны айтпай.Баса кандай улуттан торолбосун ар бир бала мусулман болуп торолот.Тарбиядан адам озгорулуп кетет, мусулман же каафырга.

    2. Пайгамбарыбыз Мухаммед (ага Алланын ырахматы болсун ) бир сахабасынын Библияны көтөрүп алганын көрүп, мынтип айткан: «Эгер Иса ( а.с.) пайгамбар кайра келгенде жарыктыкка ал өзү да Библияны окубайт , Куранды окуйт, «- деген

Добавить комментарий

Ваш e-mail не будет опубликован.

Этот сайт использует Akismet для борьбы со спамом. Узнайте как обрабатываются ваши данные комментариев.