“Карегимде Өрүкзар”  — чыгармачылык  кечеси

«Роза Отунбаеванын демилгеси» эл аралык коомдук  фонду Улуттук Филармония менен  биргеликте  Кыргызстандагы эл-журтка кеңири  белгилүү акын,  жазуучулардын  жана жаш таланттардын  поэтикалык кечелеринин сериясын тартуулоону улантууда. Мындай кеченин кезектегиси  эл ичинде сүймөнчүлүккө ээ болгон жазуучу, КР Ардак Грамотасынын  жана эл аралык бир канча сыйлыктардын лауреаты Топчугүл Шайдуллаеванын чыгармачылыгына арналмакчы. Кече 2018-жылдын 14-июнунда Т.Сатылганов атындагы Кыргыз Улуттук Филармониясынын кичи залында өтөт. Кирүү акысыз. Топчугул Шайдуллаева өрүкзарлуу Баткендин Кара-Булак айылында   төрөлүп, бой тарткан. Кесиби журналист, социолог, социология илимдеринин кандидаты. Мектепте окуп жүргөн жылдары […]

Чыгыш эл жомогу: Бедуин менен арап

Бир жарды бедуинге кандайдыр себеп менен чөл кезген сапарга шашылыш чыгууга туура келип, жокчулук айынан жолго жакшы камылга көрө албай, улам көп узабай эле суусу да, азыгы да түгөнүп, чаңкайт, карды ачат. Бирок айласы жоктон улам жол арбытууга мажбурланып келатып, кумдуу дөбөлөрдүн биринде отурган кишини көрүп сүйүнүп кетет да, жанына чыгып барат. Жолунун болгонун карачы; бул отурган киши өзүнүн арап таанышы экен, ага жараша ал алдына тасмал жайып тамак жеп, суу ичип отуруптур. Бирок ал жалдыраган көзү тамактан өткөн бедуиндин […]

Султан РАЕВ: Жалпы коомчулуктун колдоосуна ээ болор саамалык

«РухЭш» сайты кыска аралыкта көзгө басар адабий сайт болуп чыга келди. Олжобайдын олжосу – адамдын рухун аруулантуу. Азыркы коммерциялашкан заманда Олжобайга окшогон адамдар гана рух «дербиш» атка конбосо… Ал деле ар кыл сайтты ачып, мээге да, жүрөккө да ныпым угут бербеген… көчөдөгү ыпыр-сыпырды жазып толтуруп салса болмок… Арийне, «РухЭш» сайты элге огожо кызмат кылып атыры… Өткөндө Калиниград шаарына барып аердеги жердештерге жолугуп калдым. Окуй турган адабият жок, тиктегенибиз да, окуганыбыз да «РухЭштеги» аңгемелер, ошол көркөм чыгармалардан көкүрөк азыгын алып турабыз […]

Василий ШУКШИН: Сыноо

АҢГЕМЕ — Эмне кечиктиңиз? — профессор сурдана карады. — Билесизби… Кечирип коюңуз… Түз эле иштен келатам… Шашылыш иш чыгып… — Узун бойлуу, өңдүү-түстүү студент аудиториянын босогосунда турду ичкери киргенден тартынып. Жигиттин чынчыл, акылдуу экендигин көзү эле айтып турду. — Билет алыңыз. Номуру? — Он жети. — Суроолору кандай? — Биринчи суроосу «Игордун кошуну жөнүндө баян». Экинчиси… — Жакшы билет тийиптир. — Профессор өзүнүн катуу кеткенине бир аз бушайман боло түштү. — Даярдана бериңиз. Студент кагазга үңүлүп, ойго батты. Профессор аны […]

Насыпбек АСАНБАЕВ: Ансыз да бүт жедиң, бүгүн балаң жесин

Эл-журт бүгүн балдарды коргоочу күн экенин билесиңерби? Алдагы мотурайган, моймолжуган, томпойгон, борсойгон, быйтыйган, кыйтыйган, чыпыйган, тыпыйган балдарды коргоо күнү бүгүн. Бирок карышкырдан да, желмогуздан да, шайтан-шабырдан да эмес, так ушул бизге окшогон тартайган, шалпайган, челейген, дердейген, мылжыйган, тыржыйган, үңкүйгөн, дүңкүйгөн, өлгүдөй жеген, жарылчудай ичкен, тарактаган, шарактаган, ылжыган, жылжыган, келжиреген, дөлдүрөгөн, саткын, соргок, таш боор, сараң, көк мээ чоң кишилерден коргоочу күн. Туура, биз аларды коргошубуз керек. Жок, алар үчүн эмес. Жок эле дегенде өзүбүз үчүн коргошубуз керек. Алдагы шалпылдата ичип […]

Мухаммед Ху ЧЖЭНЬХУА: Кыргыз элинен көп нерсени үйрөндүм

Урматту «РухЭш» сайтынын түйшүкчүл жамааты, саламатсыздарбы? Менден КЫРГЫЗ элине ысык салам! Мен Дабыт Абдылбары уулумун. Өзүм Кытайда жашаган этникалык кыргыздардан болом. Учурда Бээжин шаарында докторантурада окуйм. Сайтыңыздарда жарыяланган материалдар абдан жагат. Бизде да маанилүү деп эсептелген материалдардан бар эле, кызыкдар болсоңуздар жөнөтүп көрсөк, «РухЭш» сайты аркылуу өз окурмандарын тапса деген үмүттөбүз. Мухаммед Ху Чжэньхуа – өз атамдай камкордук кылган инсан, илимдеги изденүүмө багыт берген улуу устатым, улуттар аралык мамиленин алтын көпүрөсүн курган агайыма таазим этүү менен эскерүүлөрүн эли-журтума сунуштоону туура […]