Украин эл жомогу: Ысымы жок кирпи жөнүндө

Жумшак жана ыңгайлуу ийининде сайгылак да, жагымсыз да кебетелүү бир кирпи жашаптыр. Ал андай болгону менен шайыр жана ак көңүл жан экен. Анын жакшы көргөн адаты  — токой боюнча сейилдеп, баардык жаныбарлар менен көңүлдүү түрдө учурашуу болчу. – Кандайсың барпаң куйрук!- деп ал тыйын чычкан менен жайдары учурашып, өзүнүн досу коёнго: – Делдең кулак дос, кандайсың? Биз жакка оромпой тээп ойногону кел!- деп чакырып өтчү. – Майпар чоң ата,- деп ал картаң аюуга акырын кайрылчу.- Сиздин үңкүрүңүздүн айланасынан козу карын […]

Ырысбай АБДЫРАИМОВ: Оюн кызыганда

АҢГЕМЕ Келин күйөөсү менен жайма базарды аралап жүрдү. Базарга кыдырата коюлган не бир асыл буюм-тайым, кийим-кечектерге тамшанып, шилекейи чубурду. Кай бирлерин кызыга кармап көрүп, баратып, эринен кыйла артта калды. Дал ошондо өзүнөн он жаш кичүү болгону менен оюну күч күркүл жигит аны утурлай келатты. Аял байкаса да, ал эркекти эзели тааныбагандай, көңүл бурбай, көрмөксөн болуп жанынан өтө берди. Шойкомдуу оюндарынын бир жолкусун кимдир-бирөөгө байкатпаса да, эмнедендир саксынды. Бирок күйөөсү кээде андан тымызын шектенерин да туйган. Аял күмөн санаган жубайынын илинүү […]

Жетиген АСАНБЕК: «Кассандра эн тамгасы» каккан доолбас

Бул сын эмес. Сын жазганды, болгондо да Айтматовдун чыгармасына сын жазганды мага ким коюптур. Болгону чыгарманы окугандагы мага “угулган” доолбастын үнүн каккым келди, башкалар да укса деген далалатым. Дээрлик бардык чыгармалары менен коомдогу көйгөйлөрдүн бутасына тийип келген Айтматов, бул чыгармасында бүткүл аалам алкагында, бүтүндөй адамзаттын көйгөйүн козгогонунан кабар алууга болот. Бул жолу да чебер сүрөткер бутага жазбай тийген. Американын Нью-Йорк шаарында «баардык континенттерде ойду ойготуучу» деген атак алган «Трибюн» гезити мурда бир да басма сөздүн, бир да маалымат каражатынын тажрыйбасында […]

Дооронбек САДЫРБАЕВ: Топчу

АҢГЕМЕ «Телефильм» студиясында режиссер болуп иштеген, күйпөлөктөшүп бир жакка шашып, сиркелери суу көтөрбөй титиреңдешкен, кырс мүнөз кесиптештеринен өзүнүн жумшактыгы, токтоолугу менен өзгөчөлөнүп турган Ишенгазы деген таанышым бар эле. Ошол «оор-басырыктуу» курбум күндөрдүн биринде: «Эртең саат ондор ченде келип, мага жолугуп кетсин. Сөзсүз, келбей койбосун»,— деп бирөөлөрдөн катуу дайындап айттырып жиберген экен, атайы барып, ичкери кирүүгө руксат алып, жогору чыга баштадым. Анткени, алардын студиясы — бекерпоз немелер жөнү жок эле кирип-чыгып чыгармачылыкка залакасын тийгизбесин дегендиктенби, айтор, лифтиси жок, бийик имараттын эң […]

V Эл аралык Махмут Кашкари атындагы аңгеме конкурсу

Мамлекеттерде аңгемелерди соңку тапшыруу күнү : 2018-жыл, 31-августь Мамлекеттик жеңүүчүлөрдүн жарыялануусу : 2018-жыл 30-сентябрь Мамлекеттик сыйлыкты тапшыруу аземи: 2018-жыл, октябрь-ноябрь Эларалык баалоо: 2018-жыл, ноябрь Эларалык байге тапшыруу аземи: 2018-жыл, декабрь Мамлекеттерде аңгемелерди кабылдоо жери: r_izatova@mail.ru Мамлекеттик байгелер: Биринчи орунга : 2.500 (Түрк лирасы) Экинчи орунга : 1.500 (Түрк лирасы) Υчүнчү орунга : 1.000 (Түрк лирасы) Конкурстун шарттары: 1. Конкурска катышуучулар аңгемесин белгиленген дарекке түздөн-түз колдон, электрондук почта же почта жолу аркылуу жибере алат. 2. Жиберилүүчү чыгармалар буга чейин эч кандай […]

Мирзахалим КАРИМОВ: От менен ойногон диний фанатизм

Тагдыр буйругу менен байыркы элдердин бири болуп саналган баатыр мүнөз, меймандос, таланты таш жарган кыргыз туугандарымдын мекенинде жашап калганыма сыймыктанам. “Үзүлгөндү улаган, чачылганды жыйнаган” Манас баатыр, көлөмү океандай “Манас” эпосунун миллион сабын жатка айткан Гомер Саякбай Карала уулундай залкарлар кайсы элде бар? Дүйнө элдерин таң калтырган сыйкырдуу Комуз, ааламга нур чачкан Ала-Тоо чокусундай Ак калпак, касиеттүүлүгү жер бетинде курулган бардык имараттардан артык болгон Боз үй, көк асман сымал мелтиреген Ысык-Көл, дүйнө окурмандарынын назарын калеми менен багындырган гуманист Чыңгыз Айтматов кимде […]