«Роза Отунбаеванын демилгеси» эл аралык коомлук фонду Кыргыз Республикасынын Жогорку Кеңеши менен биргеликте жаңы жылдын алдында  «Балдарга Жаңы жылга белек — Акылдуу КИТЕП» акциясын баштайт. Иш-чаранын максаты – коомчулуктун көңүлүн окуу маданиятын алга жылдырууга буруу, балдардын сөз байлыгын, ой жүгүртүүсүн  калыптандырууда китептин баалуулугун  көрсөтүү.

Иш чара  жаңы жылга чейин республиканын бардык аймактарында өтөт.

Аталган акцияны  5-декабрь күнү КР Жогорку Кенешинин депутаты Аида Касымалиева  Ош шаарындагы  №37 «Байчечекей» балдар бакчасында  жана ушул эле күнү №17 мектеп гимназиясында балдарга китеп окуп берүү менен баштап жатат. А.Касымалиева  эстафетаны өзүнүн коллегасына тапшырат.  Депутат  «Роза Отунбаеванын демилгеси» эл аралык коомдук фонду тарабынан даярдалып, жарык көргөн балдарга арналган «Манас в рисунках», «Балдарга базарлык», «Тоо жаӊырткан чагылган», «Кыргызстанды кыдырабыз»,  «Ынтымак сыры», «Балерина», Мектепке саякат», Биз мектепке барабыз»   ж.б. китептерден   окуп берет. Ошондой эле эл өкүлү китеп каармандары тууралуу  балдар менен баарлашып, алар менен ой бөлүшөт.

Бул иш-чара учурунда каалоочулар  жогоруда аталган китептерди  сатып алышса да болот.

Байланыш 0552 85 57 10

http://www.roza.kg/

Добавить комментарий

Ваш e-mail не будет опубликован. Обязательные поля помечены *

Этот сайт использует Akismet для борьбы со спамом. Узнайте как обрабатываются ваши данные комментариев.