Эгерде бир нерсени өз эркиңиз менен жасасаңыз – бул бейиш. Бирөө зордоп жасаткан нерсе – тозоктун өзү.

♦ ♦ ♦

Бул жашоодо айланаңыздагы элге жаркын маанай жаратыңыз. Көзүңүз өткөндө сизди эстеп кайгырышкандай болсун. Эгерде тескерисинче болсо, анда бул жашоону туура эмес жашап өткөнүбүз ошо.

♦ ♦ ♦

Оору – бул табыгий нерсе; ал жакшы. Ал болбосо бутуң жулунуп калса да сезбейт болчусуң. Бирок кыйналуу – бул таптакыр башка иш.  Оорунун өзү эле жетмек – абалды оорлотуунун кажети бар беле?

♦ ♦ ♦

Кыйналууну өзүбүз жаратабыз. Кыйналып жашайбызбы же кыйналбай жашайбызбы, тандоо ар бирибиздин өзүбүздө. Акыркы нерсени тандап алууга көп деле акылдын кереги жок.

♦ ♦ ♦

Таарынуу, жинденүү, кызгануу, оору, кайгы жана депрессия – өзүңүз ичип алып, бирок  башка бирөөгө жаман болушун күтүп ичкен уу. Бул жаңылыштык. Ушул жөнөкөй нерсени түшүшүнүш үчүн көпчүлүк адамдардын бүткүл өмүрү кетет.

♦ ♦ ♦

Жинденүү адатта ойлонулбай жасалган аракетти жаратат. Жинденүү жинденип жаткан адамга зыяндан башка эч нерсе алып келбейт.

♦ ♦ ♦

Эгерде, өзүңдүн өткөн жашооңо сереп салып көрсөң, акмакчылык менен жаман иштердин бардыгын жинденип жатканда жасаганыңды көрөсүң. Баарынан мурда өзүңө каршы иштегениң. Эгерде өзүңө каршы иштеп, өз жыргалчыгыңа каршы турсаң – бул туура эмес тандоо болгону айдан ачык.

♦ ♦ ♦

Жашоо сапаты сага сунуш кылган нерселерге эмес, сен кабыл алган нерселерге карата аныкталат.

♦ ♦ ♦

Эгерде бир нерсени жүрөгүң менен жасасаң, ошол нерседен бир сонун нерсе жаралышы мүмкүн.

♦ ♦ ♦

Өз абалыңды өзүң жаратыш үчүн эң биринчи, өзүңдүн ким экениңди бил. Сөз мааниси – сени али өзүңдүн ким экениңди жакшы билбейсиң. Сен – ушул убакытка чейин топтогон ардактуу наамдарыңдын, иштериңдин жана сапаттарыңдын жыйындысы эмессиң. Сен билген “мен” бул жөн гана топтолгон нерсе. Сенин денең жеген тамагыңдын гана жыйындысы. Сенин акыл-эсиң – сезүүчү органдарың аркылуу чогулган сезимдериңдин жыйындысы. Сен жыйнаган нерселер сеники болушу мүмкүн, бирок ал эч качан сен эмессиз.

♦ ♦ ♦

Ички дүйнөң сырткы таасирлердин көзкарандылыгынан толук кутулмайын, ал туруксуз. Башкача болушу мүмкүн эмес.

♦ ♦ ♦

Эгер өзүңдү пайда табуу үчүн, өзүңө ыңгайлуу шарттарды түзүү жана жүрөгүңдө сүйүү жок жашоо максатында мамиле түзүүгө арнаган болсоң, сен анда кандай болбосун чыккынчысың.

Которгон Абийрбек АБЫКАЕВ

«Нуска»: Сапаттуу котормо – эне тил кенчи

Добавить комментарий

Ваш e-mail не будет опубликован.

Этот сайт использует Akismet для борьбы со спамом. Узнайте как обрабатываются ваши данные комментариев.