Ислам СОПИЕВ: Мусулман элдерине сөз тийгизүү Чубак Жалиловдун чала молдолугубу же эки жүздүүлүгүбү?

Мындай суроо койгонумдун себеби: коомчулукка өзүн диний ишмер катары таанытып келген Чубак ажы Жалиловдун «Исламда Нооруз – арам. Ким Нооруз «майрамынын» урматына бир жумуртка берсе да ыймандан чыгат, капыр болот», – деген тантырак кебинен улам чыгып отурат. Ошондой эле кимде ким Ноорузду майрамдаса – ыймандан чыгат», – дегени эмне шумдук?! Эмне үчүн мусулман баласы мусулман баласынын ата-бабадан берки ишенимине, каада-салтына акаарат келтирүүгө тийиш? Илгертен Ноорузду майрамдап келген перстердин жана азыркы ирандыктардын эле эмес, өзбек, кыргыз, казак, түркмөн, азербайжан, түрк, ооган, […]