Франц КАФКА: Он бир уул

АҢГЕМЕ Менин он бир уулум бар. Улуу уулум көзгө толуму жок, бирок акылдуу жана иш билги. Аны өтө баалабасам дагы, башка балдарымдан кем көрбөйм. Менин оюмча анын ички дүйнөсү чектелген; ал оңго дагы, солго дагы, астыга дагы умтулбайт; менимче ал  айлананын ичинде тегеренип, бир орунду эле тепкилеп жүргөнсүйт. Экинчи уулум сулуу, келишимдүү, кылыч шилтегенин көрсөң тим эле адамдын көзү сүйүнөт. Ага кудай акылды да берген, көп жерлерди кыдырып, көп нерселерди билип алган, жада калса жаратылышыбыз да ага үйдөн чыкпай отургандарга […]

Токутоми РОКА: Жел тегирмен менен эмендин баарлашуусу

Орусчадан которгон Амирбек АЗАМ уулу АҢГЕМЕ Тагава дарыясында кичинекей жел тегирмен турат. Тегирменге жанаша жерде эмен дарагы өсөт. Чак түштө да оонап уктап түш көргөн кыштактык бекерпоз бир мертебе эмендин түбүнө көчүк койду. Адатынча же уктаганы белгисиз, же эс алып отурганы белгисиз неме тегирмендин парасы кандай айланганын карап жатып, кокустан эле мына бул сөздөрү эшитти: — Ки-и-и! — кыйчылдаган добуш угулду — тегирмен эменге кайрылды. — Эй, ашына! Сен бу жерде жыл бою селейип турсуң, каргаларды санайсың, сен деги эмне […]

Токутоми РОКА: Эки жүз иен

Жапон жазуучусу Токутоми Рока (1868-1927), чыныгы аты – Кэндзиро. Хёго провинциясында туулган (азыркы Кюсюга жакын Кумамото аймагы). Досися университетинде окуп жүрүп көп кырдуу билим алган. Атасынын таасири астында байыркы кытай жазмаларын окууну өздөштүрүп Конфуций жана Будда осуяттарын үйрөнгөн. Кийин Токиого барып, агасы Токутоми Сохо чыгарган «Кокумин-но томо» («Элдердин достугу») журналына ишке орношуп, ал жерден тез эле мыкты журналист жана публицист болуп чыккан. Кийин «Жашабай койгон жакшы» (1899) аттуу тунгуч романы менен адабий атагы чыккан. Которгон Амирбек АЗАМ уулу АҢГЕМЕ Эмендин […]

«РухЭш»: Чыгармачылык таймашка чыгууну каалагандарга адабий конкурс!

ЖОБО Кыргыз адабиятынын казынасын байытуу максатында котормо жанрында эмгектенген калемгерлер үчүн конкурс жарыялайбыз. Арийне, учур адабиятында котормо жанрына көңүл бурулбай келаткандыгын эске алдык. Аныгында: дүйнөлүк адабияттын өрнөктүү тажрыйбасын өздөштүрүү салты эгемендик жылдарынан бери калып келди, андыктан ушул багытта чыгармачылык таймашка чыгууну каалаган калемгерлер, камынгыла! Жалпы байге фондубуз – 100 000 (жүз миң) сом. 1-орундун жеңүүчүсү деп табылган үч адамга 15 миң сомдон – жалпы 45 миң сом. 2-орундун жеңүүчүсү деп табылган үч адамга 10 миң сомдон – жалпы 30 миң […]

Өзүн эркин сезген улут гана улуттук кулк-мүнөзүн сактайт

Жермена де СТАЛЬ (1766-1817), француз жазуучусу Бирөө менен аңгемелешкениң деле өз кезегиң келгенде жүрүш жасаган оюндай уланыш керек. * * * Сезимсиз адамдарга зыкым болуш оңой. * * * Гений – аял-эркекке бөлүнбөйт. * * * Бир да мыйзамды бузбай аңкоо көрүнгөндүн миң амалы табылат. * * * Сүйүү – аялдар үчүн өмүр баян, эркектер үчүн жашоонун бир үзүндүсү. * * * Биз эң жакын адамдарыбыздын биринен айрылган күнү гана биринчи жолу өлүм эмне экенине түшүнөбүз. * * * Кандай […]

Жовани ВЕРГА: Байлык

Которгон Урматбек НУРСЕЙИТ уулу Италиялык реалист жазуучу. Сицилиянын жашоосун чагылдырган көлөмдүү романдардын автору. “Талаа ортосундагы өмүр” (Vita dei Campi) аттуу аңгемелерден куралган жыйнагы бар. АҢГЕМЕ Жансыз деңиздин бир бөлүгү сыяктуу чалкыган Бивиеро ди Лентинини, Катания өрөөнүнүн күнгө күйгөн аңыз талааларын, Франкофортенин жашыл апельсин бакчаларын, Ресконенин козукарын бактарын бойлоп жол жүргөн жолоочу, уч-кыйырсыз жайыктарда ат арабанын аянычтуу кыйчылдак үнү менен качырлардын жал куйруктарынын кыймылы тажатып, уктап калбоо үчүн арабачы аргасыз күңкүлдөп ырдай баштаган маалда, ысыктан коюланып, көк асмандын астында чийиндей чиймеленген […]

Жек ЛОНДОН: Сапардагылар үчүн!

Которгон С.Эрматов  АҢГЕМЕ — Дагы, куйчу! — Э, Кид, ашык болуп кетти го дейм? Виски менен спирт аралашканда оңой иш болбойт, анын үстүнө коньяк да, перцовка да, анан… — Куй дегенде, куя берсеңчи! Ичкилик камдап жаткан ким, менби же сенби? — Уюлгуган ала булоонун арасынан Мэйлмют Киддин мээримдүү күлүмсүрөгөнү көрүнүп турду. — Э-э, балам, ушул өлкөдө мен жашагандай жашап көрсөң, анын үстүнө кудайдын куттуу күнү кемиргениң сүрсүгөн балыктын эти болсо көрөр элем, рождество деген жылына бир эле жолу болорун дал […]

Оскар УАЙЛЬД: Сүйүү жөнүндө акындар көп алжый берип, ишенимден чыкты

Оскар Уайльддын башка афоризмдери береги шилтемеде: АЙЫРМА Ишенимге дин кандай муктаж болсо, атеизм деле ошол. * * * Биздин доорду идея эмес, абройлуулар башкарып калды. * * * Коомубуздун кайсы катмары акча жөнүндө көп ойлонот? Байлар эмес, кедейлер. Кедейлер күнү да, түнү да акчаны ойлоп, ичкендери ирим. * * * Орусияда реформадан башканын баарын жасаса болот. * * * Дүйнөдө эң зор окуя эмне? Адам баласынын мээсиндеги өзгөрүү. * * * Ким бирөө ишеним үчүн жан кыйгандан эле чындык далилденбейт. […]

Ги де МОПАССАН: «Оңдолбой турган катачылык»

Француздардын атактуу новеллисти жана аңгеме жаатынын чебери. Тогуз жыл аралыгында натурализм багытындагы кыска прозалардан турган жыйырмага жакын жыйнактын автору. Толук аты-жөнү Анри-Рене-Альбер-Ги де Мопассан. АҢГЕМЕ Эки жаш айым көлөкөсү бульварга түшкөн, кичинекей парктын жанынан жолугушушту. Маңдай-тескей келгенде алгач күмөн санагандай болушту. Кайрадан бири-бирин тааныганына ишенимдүү болушканда кулачтарын жая: — Раймонд! — Матилт!… Бир кварталдын балдары эле. Чогуу ойношчу, мектепке бирге барчу, ал гана эмес бир түндүктүн астында бир нече жыл жашаган. Кийинчерээк мектептеги башка достору сыяктуу бул орток жашоонун таттуу […]

Оливер ГЕНРИ: «Жүрөк жана кол»

АҢГЕМЕ Денверден чыгышка кетүүчү Балтимордук экспресс поездге жүргүнчүлөр агылып түшө баштады. Ыңгайлуу жана комфорт вагондордун бирөөсүндө жакшынакай кийинген, отурган орунтугун саякатта керектүү буюмдары менен толтуруп алган жаш, сулуу айым отурат. Жаңы түшкөндөрдүн арасында да эки адам бар, экөө тең жаш жигит, биринчиси – келишимдүү, тайманбас, жарык жүздүү; экинчиси – өзүнө камдуу, түнт, чымыр денелүү, жөнөкөй кийинип алган. Алар бири-бирине кишен менен кошоктолгон. Поезд коридорундагы жалгыз бош орундук сулуу айымдын бет маңдайында эле. Колдору кишенделген экөө айымдын маңдайына көчүк басышты. Жаш […]