Жонатан СВИФТ: Китеп – акыл-ойдун тукуму

Жан РАСИН (1639-1699), француз драматургу жана акын Зулумдардын тили каруусу катыганга чейин бал татып турат. * * * Үндөбөй кайгыргандардын күйүтү оор болот. ♦ ♦ ♦ Франклин Делано РУЗВЕЛЬТ (1882-1945), АКШ президенти Эгер бетиң кериктин[1] жонтерисинен жука болсо, саясатка жолобо! ♦ ♦ ♦ Жан-Жак РУССО (1712-1778), француз жазуучусу Улуу окуя улуу инсандарды жаратат. * * * Адам адам болалбай туруп философ болбойт. * * * Бизге эң улуу устат – тажрыйба жана сезим. * * * Мамлекеттин жүрөгү – мыйзам […]

ВОЛЬТЕР: Дин кумар ойну сыяктуу: адегенде алабармансың, кийинчерек митайым болосуң

Вольтер (1694-1778) француз жазуучусу жана философ Жандилибизди тузактаган жер – Атамекен. * * * Мекенге болгон урматыман: чоочун элдердин ага жасаган эмгегине көз жумуп койалбайм. Тескерисинче, менин өлкөмдү сырттан келгендер урматтаган үчүн Мекениме алардан да ашыгырак жан үрөп кызмат кылууга тырышам. * * * Ыракаттын анык ыракаты – эмгек. * * * Намыс – жакшы адамдардын уучундагы бриллиант. * * * Берилген суроолордун ар бирине такалбай жооп берген адам уят-сыятты билбеген адам болушу мүмкүн. * * * Жакшы авторлордун чыгармаларын […]

Өмер СЕЙФЕТТИН: Жаз жана көпөлөктөр

Түркчөдөн которгон Урматбек НУРСЕЙИТ уулу 1884-жылы Гёненде туулуп, 1920-жылы Стамбулда өлгөн. Түрк адабиятындагы “түркчүлүк” агымынын түптөөчүсү жана аңгеме жаатынын негиз салуучусу. АҢГЕМЕ Кичинекей салондун кызгылтым өңдөгү калың пардалуу терезесинен сырт тарап жалтылдаган акварель тактасы сыяктуу өтө эле кооз көрүнүп турду. Чайыттай ачык көк асман… Гүлдүү бактар… Уктап жаткандай уч-кыйырсыз мелмилдеген деңиз… Маңдайкы жээкте кызыл-көк, туман каптаган тоолор, коруктар, деңиз боюндагы аппак үйлөр… Бүтүндөй ушулардын үстүндө мифологиялык түштүн нака чындыгы сыяктуу учкан ак чардак үйүрлөрү! Терезенин алдындагы столдо арыкчырай, сары, жашы улгайып […]

Сүйүнчү: Биздин китеп дүкөндө…

Сиз үчүн заманыбыздын залкар таланты, белгилүү композитор, жазуучу, мамлекеттик жана коомдук ишмер Түгөлбай Казаковдун «Эсимде» аттуу китеби жарыкка чыкты! Аталган китеп беш бөлүктөн турат. Сиз андан Т.Казаковдун эскерүү, ыр-баян, аңгеме жана котормолорун окуй аласыз. О.э. обондуу ырлары нотасы менен жарыкка чыкты. Агер сатып алууну кааласаңыздар,  0559 166 525 номуруна чалыңыздар! О.э. «РуЭш» сайтынын атайы китеп дүкөнүнө чалсаңыздар — 0700 532 585 Бишкек шаары боюнча так дарек менен жеткирип берүү да каралган. Китептин наркы 250 сомдон.

Ынтымак сыры

«Ынтымак сыры» аталган бул китепте Кыргыз Республикасында жашаган көп улуттуу элдердин ортосундагы достук мамиленин маанилүүлүгү чагылдырылган. Балдар бири-бирине жана жаратылышка аяр, камкор мамиле кылганда гана жакшы маанай өкүм сүрүп, жашоо көңүлдүү, кызыктуу улана тургандыгын баяндайт. Китеп башталгыч класстын окуучуларына жана тестиер балдар үчүн ата-энелер менен бирге окууга арналат. Автору: Кендирбаева Догдуркүл Бишкек 2016

Китеп бизге акысыз сабак берген мугалим

МУСУЛМАН САНАТТАРЫ Захиреддин МУХАММЕД БАБУР (1483-1530), самарканддык акын Жек көрүнүп жашаганча даңкталып, Жер жазданып жаткан жакшы баркталып. * * * Шаар капкасын жаап коюш заматта, Душман оозун жабуу кыйын адатта. * * * Бир-бирине жүрөктөрүн арнаган Жок түгөйлөр таарынышып калбаган.

Белгилүү публицист, акын Алым Токтомушевди эскерүү

Маркумдун жаңы китебинин бетачары өтөт 2016-жылдын 3-ноябрында саат 15.00дө Улуттук Консерваториянын Чоң залында белгилүү публицист, журналист жана акын Алым Токтомушевди эскерүү кечеси болот. Иш чара “Роза Отунбаеванын демилгеси” эл аралык коомдук фонду тарабынан уюштурулуп жатат. Кечени КР Эл акыныШайлообек Дүйшеев алып барат. А.Токтомушевди анын калемдештери, замандаштары жана шакирттери – Эсенбай Нурушев, Айылчы Сарыбаев, Жаныш Кулмамбетов, Аскер Сакыбаева, Олжобай Шакир ж.б. эскеришет.

Амирбек УСМАНОВ менен рухий кедейчилик туурасында сөз

«Бардык жакшы нерселер үчүн китепке милдеттүүмүн». Максим ГОРЬКИЙ Маектешибиз Амирбек УСМАНОВ акыркы чейрек кылымдан бери массмедиа тармагында эмгектенип келет. Анын ичинде 20 жылдан ашуун мезгил «Азаттык» радиосунда иштеп, 1995-жылдан бери Прага шаарында жашайт. Окурмандарга «Кабуснамени» орусчадан кыргызчага которгону маалым. О.э. «Чаувайдан Чехияга канат кагып» аттуу публицистикалык жыйнагы жана «Кыргызстандын тарыхы күбөлөрдүн көзү менен» аттуу китеби чех тарыхчысы Петр Кокайсл менен бирдикте жазылып, кыргыз, орус, чех тилдеринде жарыкка чыккан. (1-МАЕК)  – Амирбек байке, сиз ар дайым рухий көрөңгө издеп жүргөн адам […]