Вьетнам эл жомогу: Мышыктай мышык

Илгери бир киши мышыгын аябай жакшы көрүп, аны дүйнөдөгү эң акылдуу жана өзгөчө жандык саначу экен. Мындан улам аша чапкан обу жоктук менен бул жөпжөнөкөй мышыгына Асман деген ат коюп алыптыр. Бир ирет аныкына капысынан мейман келип, мышыктын өзгөчө атын угуп, таңгалып сурайт: — Кечирип коюңуз, урматтуу кожоюн, эмне үчүн жөнөкөй эле мышыкка Асман деген бийик атты коюп алгансыз? — Бул мышык сиз айткандай жөнөкөй эмес. Мындай мышык мурда бул дүйнөдө болгон эмес. Ошон үчүн мышыгыма Асман деген аттан башка […]

Максим ГОРЬКИЙ: Аял кээде өз күйөөсүн сүйүп кала алат

Орустун залкар жазуучусу, ойчулу Максим Горький тууралуу уламыштар арбын. Алардын бири – жазуучу өз денесинин ооруксунганын такыр сезген эмес, бирок чыгармасындагы каарман аялды бычак менен сайган жерин сүрөттөп жатканда, денесинде өлчөөсүз чоң тырык пайда болот. Ал революцияны даңктап жазганы менен кийинчерээк В.И.Лениндин идеяларына, анын жеке өзүнө болгон жек көрүүсүн жашырбай мындай деген: «Ленин, Троцкий жана алардын тегерегиндегилер бийликтин көңсүгөн уусу менен эбак ууланып калышты…  Жумушчу табы аны ачкачылык, өндүрүштүн толук кыйрашы, узакка созулган кандуу анархия күтүп турганын билүүсү керек…”. * […]

Луиза Мэй ОЛКОТТ: Кичинекей айымдар

Америкалык жазуучу Луиза Мэй Олкотт (1832-1888) «Кичинекей айымдар» аттуу бул чакан романы менен 1868-жылы дүйнө адабиятына өз шооратын тааныткан. Белгилүү бул чыгарма Таалайбек Абдиев тарабынан түпнускадан которулуп, кыргыз окурмандарына алгач ирет жетип отурат… БИРИНЧИ БАП ПИЛИГРИМ ОЮНУ — Белек-бечкексиз кантип Рождество болсун,- деп күңкүлдөгөн Жо килемчеге кыйшая кетти. — Кедейлик курусун,- деп үшкүрдү Мег, эски көйнөгүн карап. — Кээ бир кыздардын кооз буюмдарынан башы айланат, башка кыздардын болсо эч нерсеси жок, ушул да адилеттүүлүкпү?- деп ыйламсырап таарына кетти кичинекей Эми. […]

Массалык адабият менен сойкуларга жасаган мамилебиз бирдей, бирок…

ДОН-АМИНАДО (Аминад Петрович Шполянский) (1888-1957), орус акыны Башкы маселеге келгенде бирикпегендер кийин болор-болбос иш үчүн ажырашат. * * * Эркек жөн эле алдайт, аял алдаса – көзүнө жаш айланып турат. * * * Сокур ичегиден бир заматта кутуласың, туугандардан бир заматта кутулуш кайда. * * * Үч рюмка коньяктан кийин француз минералдык сууга өтсө, орусуң «сен» дегенге өтөт. * * * Шык-дарамети күчтүү тубасалардын жөндөмү орто билим алгандан эмес, Кудайдан. * * * Башкалардын аялы баш оорусуздай көрүнө берет. * […]

Азимбек БЕКНАЗАРОВ: Атамбаевдин президенттик доору

Башын береги шилтемелерден табасыз: (1-баян) Азимбек БЕКНАЗАРОВ: Атамбаевдин доору, (2-баян) Азимбек БЕКНАЗАРОВ: Өткөөл мезгилдин бийлиги, (3-баян) Азимбек БЕКНАЗАРОВ: 2010-жылдын апрель, май айындагы окуялар (4-баян) Азимбек БЕКНАЗАРОВ: 2010-жылдын апрель, май, июнь окуяларын иликтөө жана анын тыянактары III БӨЛҮК Жогоруда айтылгандай, 2010-жылдын декабрь айында 2-жолку аракетте мүмкүн Ө.Бабановдун ишмердүүлүгүнүн эмес, “чайкоочулук ишмердүүлүгүнүн” натыйжасында Жогорку Кеңеш башында КСДПнын лидери А.Атамбаев турган коалициялык Өкмөттү түзүүгө жетишти. Атамбаев максатына жетти. Ал эми өзүм спикер болом деген Текебаев максатына жетпей калды. Ал, анын партиясы “Ата-Мекен” Парламенттик оппозицияда калды. Ушул жерде Парламенттик оппозиция жөнүндө […]

Ыза

Аңгеме  Бул жолу да чырды аялы баштады. — Эй, ашкеби! Элдин эркектерин карачы!? Айда алтын, күндө күмүш табышат. Салган үйлөрүн, минген машинелерин карачы да, сен экөөбүздүн жашообузду карачы. Өкмөт берген чучуктай үйдө…Арабадай кылдыраган автобуста көрүнгөндүн колоңсосун жыттап… Аял чындап эле жашып кетти. — Дүнүйө колдун кири эмеспи! — деди күйөөсү күңкүлдөп.