Мамат РАИМЖАНОВ: Армандуу тескей

АҢГЕМЕ Түркүн чөптөр буруксуп, гүлдөрдүн жыты аңкып турду. Жай эми гана башталып, жан-жаныбар болсун чатырап көркүнө чыгып, өмүрдүн толуп турган чагы. Боткоктоп калган аткулактарды аралап, кызгылт көгүш жону күнгө чагылышып чөптөрдүн башын кылтылдатып, бир суурдун айгыры шилбилүү дөбөнүн түбүндө ооздорун жөргөмүштүн калың желеси каптап, үйүлгөн топурактарын эчак таш уйгак басып калган көп ийиндерди жыттагылап жүрдү. Ийиндер абдан эле эски болчу. Кээ бирөөлөрүнүн үстүндөгү топурагы урап түшүп, оозун бекитип калган. Ал эми барпайган бай түп шилбинин түбүндөгү эки кош ийин али […]

Түрктүн улуу акыны Назым Хикметти Кожогелди Култегин түрк тилинен которду

КӨК КӨЗ ДӨӨ ЖАНА КИРБИЙГЕН АЯЛ Килейген бир… көзү көк Дөөнү айтайын, кирбийген бир аялда көөнү ансайын! Боюнан чоң ойдо аял жүрбөгөндүр – болсо дечү кичикий үйүм менин, болсо дечү шилбиси гүлдөгөн бир! Дөөдөй-Дөөдөй сүйүүсү кабатталып… тоодой-тоодой иштерди так аткарып… куурагыр Дөө майда ишти сүйбөгөндүр – курганы жок кичикий үйүн анын, кулпурткан жок шилбисин гүлдөгөн бир. Килейген ал… көзү көк Дөөнү айтайын, кирбийген бир аялда көөнү ансайын! Кирбигийи чарчады тең баса албай. Ким жүрө алат Дөөлөрдүн жолу менен?! Кичине үйгө […]

Темир БИРНАЗАРОВ: Саткындардын мекени болбойт

КИНОСЦЕНАРИЙ МОСКВА ШААРЫ. НАТУРА. КҮНДҮЗ. Пластикалык операция жасай турган клиника. КЛИНИКАНЫН ИНТЕРЬЕРИ. КҮНДҮЗ. Клиниканын башкы врачынын кабинети. Стенада адамдын бет түзүлүшү тартылган сүрөттөр илинип турат. Столдо бири-бирине бет маңдай эки адам отурат. Столдун төр жагында көз айнекчен ак халат кийген жашы алтымыштарга келип калган орус улутундагы клиниканын башкы врачы ВИКТОР ВАСИЛЬЕВИЧ. Анын маңдайында 65-70тердеги, кашка баш азиат улутундагы, тыкан костюм шым кийген, галстукчан интеллигент САКИЕВ АСМАНБЕК отурат. БАШКЫ ВРАЧ Сиз жакшылап ойлондуңузбу? САКИЕВ АСМАНБЕК Ооба, өзүңүз билесиз, башка аргам жок. […]

Кыргыз жигиттери чечен, дагестандыктарча жокпу?!

«Мекендеш» рубрикабыздын бүгүнкү мейманы Россиянын Санкт-Петербург шаарында жашап эмгектенген мекендешибиз Тахмина Нусупова… – Тахмина, Питерде жашоо кечиргениңиздерге канча убакыт өттү? – Питерде жашап жатканыбызга буюрса быйыл бешинчи жыл болот. – Россия жаранысызбы же… – Жо-ок… Албетте, биз келген убакта Россия жарандыгын алуу оңой болчу, бирок алган эмеспиз. Себеби кайра эле кетебиз деген ой болгон… Азыр жарандык алыш аябай кыйындап калды. Бизди жаңы келгенде алгыла деп катуу үндөшкөн, бирок албадык…

Сыйлоосуз сүйгөндүктөн өлкөбүздү, \ Сырт жакка сүрүп салды өлкө бизди!

Мигрант ыры Ала салган турмуш менен агылып, Алыс бөлгөн тагдырыма багынып. Аңтарылган сезимдерге тушуктум, Аскар тоону, аккан сууну сагынып. Кутулалбай куса деген оорудан, Кыярбады кыялдагы окуям. Томсоруңку тарткан менен кебетем, Тоонун жытын толкуп эстеп отурам. Тосмосу жок куса күчү ойгонсо, Толкуп келип туталантып койгондо. Тыбыраган жүрөгүмдү бек кармап, Токтоо кылам тоо баласы болгонго. Ала-Тоого аттанмайын кадамдар, Айыкпаган жүрөгүмдө жарам бар. Ата Журттун баркын аңдайт турбайбы, Аргасыздан алыстаган адамдар.