Олжобай ШАКИР: Кыргыздын кайра жаралуу доорундагы көкбөрү мааниси

«Эртегисин эстесе, Шаа колдосун деп турар. Бөрү энесин эстесе, Жал колдосун деп турар. Ата-тегин эстесе, Бай колдосун деп турар. Ынтымагын эстесе, Жар колдосун деп турар…» Ашым ЖАКЫПБЕКОВ Кайсы элдин тарыхына карабаң: мифтен, уламыштан кайгып өткөн калк жок. Мифтердин, уламыштардын негизинде улуттук философиясынын жерпайын аныкташат. Мифтерге, уламыштарга таянган тарыхый-философиянын гана тамыры тереңдеп кете берер. Башканы коюп, «Манас» эпосунда бурут деп айтылат. А түпкү маанисинде «бөрү ит» эмеспи. Ымыркай төрөлүп, денесинин бир жеринен көгөргөн так көрүнсө, көңкө кыргыздын төл сөзү бар айныксыз: […]