Михаил Зощенко: Оорукчандар

АҢГЕМЕ Адам деген бир кызык жандык да. Анын түпкү атасы маймыл экендигинде деле шегим бар. Бул маселени Дарвин чал  жөн эле соктуруп койгон көрүнөт. Адамдардын кылык-жоругу – тим эле, мындайча айтканда, таза эле адамдардыкындай да. Айбандардыкына такыр окшобойт. Эгерде айбандар өздөрүнүн тилинде бири бири менен маектеше алса, жакында эле мен өзүм күбө болдум, мындай талаш-тартыш болмок эмес. Бул окуя ооруканада болду. Амбулатордук кабыл алууда. Менин ички органдарымдын оорусуна байланыштуу жумасына бир жолу барып дарыланып турат элем. Опушкин деген доктордо. Жакшы, […]

Михаил Зощенко: Гул кармаган аял

АҢГЕМЕ Ушундай да, кээде күтүлбөгөн жагдайга да туш болуп каласың. Анча күлкүлүү эмес, олуттуу бир тема боюнча чыгарма жазып койсоң, окуучуларың чүйрүңдөй баштайт. — Мындай кылган болбойт, — дейт алар, — бул эмнеси экен, биз андан күлкүлүү чыгарма күтүп жатсак, ал бир илимий эмгекке окшогон бирдемени чампалап салыптыр! Автордун аты өзүнө жооп бериши керек да. Ошондон улам эми окуучуларымдын көңүлүнө жакпай турган, айталык,  тамашасы азыраак темадагы чыгарма жазылып калса, алардан кечирим суроого туура келет. Кээде тамашасы азыраак, бирок турмуштан алынган […]

Михаил Зощенко: Байкуш Лиза

АҢГЕМЕ Кара торусунан келген, сулуу сымак, өзүн акылдуу санаган жаш келин ушул жылы сөзсүз бай болом деген  максат койду. Эми бай болгондо тиги капиталистик өлкөлөрдөгү миллионер кызыл кулактардын айрымдарында болгондой,  жомоктогудай деле байлык эмес. Жок, арийне, ал андай көп байлыкты каалабайт деле. Мындайча айтканда… эми… дегинкиси… так эле ошондой байлыктын ээси болсо кана, ата ганат! Бирок ага кантип жетүү керек, ага жакшы түшүнө албады. Ошондуктан мүмкүн болушунча аракет кылып,  болгондун баарын алууну чечти. Көздөгөн максаты деле анча көп эмес: шоопуру […]

Михаил ЗОЩЕНКО: Бирөөлөр үчүн кайгы менен бүткөн, бирөөлөрдү канааттандырган сырдуу окуя

АҢГЕМЕ Бул сырдуу окуяны мага ички ооруларды жана балдарды дарылаган врач айтып берген эле. Мен кеп кылайын деген врач, чачын текши ак басып, кыйла эле жашка барып калган неме болчу. Чачы ушул окуядан улам агарганбы же убагы келдиби, сурабаптырмын. Агарса куруп кетсин дечи, өзү үнү да кырылдап, мукактанып чыккан жагымсыз неме көрүнгөн. Үнү эмне ичкенден бузулганын ким билсин, дегинкиси сөз төркүнү анда деле эмес. Бир курдай киши кирбегенге бук болуп, кейиштүү ойго батып, кабинетимде отургам дейт. «Азыркы бейтаптарыӊ да алчы-таасын […]

Михаил ЗОЩЕНКО: Коркок Вася

АҢГЕМЕ Васянын атасы темир уста эле. Ал устаканада иштечү. Ал аяктан така, балка жана балталарды жасачу. Ал күн сайын устаканасына өзүнүн аткөлүгү менен барчу. Анын жакшы бир кара аты болор эле. Эртең менен аны арабага куруп айдап алып, кечинде гана кайтчу. Анын уулу алты жашар Вася, арабаны айдаганды жактырчу. Атасы, мисалы, арабадан түшүп, үйгө башбагар замат, Вася арабага шак секирип чыгат да, токойдун четине чейин барып келчү. А атасы, алибетте, ага уруксат берчү эмес. Анын кылганын ат дагы жактырчу эмес. […]

Михаил ЗОЩЕНКО: Жытчыл ит

АҢГЕМЕ Көпөс Еремей Бабкиндин енот шубасын бирөөлөр жымырып кетиптир. Көпөс Еремей Бабкин өңгүрөп берди. Көрсө,  шубасына ичи ачышып жаткан тура. —  Граждандар,  шуба жөнөкөй шуба эмес, кымбат шуба! — дейт ал, —  канча акча берсем да аны таптырам. Кылмышкердин бетине гана түкүрбөсөмбү! Ошентип Еремей Бабкин из кубар итти чакыртты. Чакырыкка кепкасын баса кийип, ит жетелеген адам келди. Ити ит деп деле айтчудай эмес — күрөң,  шиш тумшук,  кебетеси суук,  сүйрөйгөн бир ит сымал неме. Тиги киши итин эшик алдына жетелеп […]