Назгүл ОСМОНОВА: Аманат бар, а аны уккан барбы?

Кыргыз өкмөтүнүн чечими менен 2015-2016-жылдары дагы бир даңктуу бабабыз, чыгыш-мусулман-ренессансынын улуу ойчулу, Караханиддер каганатынын көрүнүктүү мамлекеттик ишмери, мамлекетти башкаруунун теориясы менен практикасына, түрк дүйнөсүнүн маданиятынын өнүгүшүнө зор салым кошкон Жусуп Баласагындын 1000 жылдыгы белгиленген. Караханиддер каганаты 10-12-кылымдардагы ири мамлекет болгон. Анын курамындагы түрк элдери маданий, экономикалык жана саясый чоң өсүшкө жетишкен. Азыркы Кыргызстан аймагында эле 60тан ашуун шаар болгон. Алардын ичинен биздин заманга чейин сакталып калгандары Токмок шаарындагы Бурана мунарасы, Өзгөндөгү тарыхый-архитектуралык комплекс, Шах-Фазиль күмбөзү жана “Таш-Рабат” кербен сарайы эсептелет. […]

Назгүл ОСМОНОВА: Устатымдын чечкиндүү кадамы – улутка үлгү

“Төрдөн орун тийген болсо нааданга, улагада калганыңа арданба…” Жусуп БАЛАСАГЫН КУУ алдындагы Конфуций институтунун директору Үмүт Култаеванын Өмүрбек Бабановдун президенттик шайлоого үгүт иштеринин маалдагы Он-Адыр айылында өзбек улутундагы адамдар менен жолугушууда айткандарында «улут аралык кагылышка чакырык таштаган эмес» деген пикири кызмат келишимин узартууга кыйынчылык жаратып (КУУ ректору Канат Садыковдун айтуусу боюнча), акырында жумушунан кетүүгө мажбур кылышканы коомчулукта түрдүү көз караштарды пайда кылды. Шаарга жаңыдан келип, И.Арабаев атындагы андагы кыз-келиндер, мен окууну бүтүп жаткан жылы педуниверситет болуп өзгөртүлгөн жогорку окуу жайына […]

Маргарет ТЕТЧЭР: Маданияттуу эркектер – эң алсыз эркектер

Маргарет Хильда Тетчэр – 1979-1990-жылдардагы Улуу Британиянын 71-премьер-министри. Маргарет Европа өлкөлөрүнүн ичинен мындай жогорку кызматты аркалаган биринчи аялзаты. Советтик жетекчиликти аёосуз сындагандыгы үчүн “темир айым” атка конгон Тетчэр саясатта “тетчэризм” аталган агымды калтырып кетти. Маргарет химия илимин окуганы менен кийинчерээк юристтик кесипке ээ болуп, 1959-жылы Парламент мүчөсү болуп шайланат. 197-жылы консерватор Эдвард Хиттин өкмөтүндө билим берүү жана илим министри болуп дайындалат. 1975-жылы Хитти консервативдик партиянын жаңы башчысын шайлоодо жеңип чыгып, оппозициялык парламенттин башына келет. Ошол эле учурда Великобританиядагы негизги партиялардын […]

Лев Толстой: Дүйнө азап тарткандардын эсебинен алга жылат

Орустун атактуу жазуучусу Владимир Набоков дарстарында төмөнкүдөй ыкманы колдончу. Ал залдагы бардык терезе пардаларды жаап, бөлмө ичин толук караңгылата турган. Залдын тээ түпкүрүнөн адегенде бир чырак жанып, Набоков мындай дечү: “Орус адабиятынын асманында жанган жылдыз – бул Гоголь”. “Ал эми бул чырак Чехов”, — шыпта дагы бир жылдыз жаркырайт. “Бул — Достоевский”, — Набоков дагы бир чыракты жандырат. “А бул болсо Толстой!” –Набоков терезе пардаларды шарт ачып жибергенде залга көздү уялткан жарык төгүлөт… Лев Толстой автордук укуктан биринчи болуп баш […]

Лао МА: Сапарлаш аял

Которгон Назгүл ОСМОНОВА АҢГЕМЕ Менин жанымда отурган аял чет элге биринчи жолу учуп жатпаган сыяктанат. Ал коопсуздук курун тагынбастан отуруп алып, даараткананын суусундай токтобостон быдылдап сүйлөп жатты. “Сиз чет жакка эч качан чыккан эмессизби?” —  деп сураган аял мага кайрылды. Бул өзүнүн жашынан алда канча жаш көрүнгүсү келген орто жаштардагы аял эле. Бирок үстүндөгү бир кызыктай кийими менен бетиндеги бырыштары бир караганда эле аялдын жашын айгинелеп койчудай. Мен жылмайып жооп бердим: “Ооба, билип алдыңыз. Башка өлкөгө алгач чыгышым”. “Мага муну […]

Габриэль Гарсиа МАРКЕС: Сыйкырчы болсом, “Жалгыздыктын жүз жылы” романымды жок кылмакмын…

Габриэль Гарсиа Маркести окурманга тааныштырып отуруунун зарылдыгы жок. Колумбиялык улуу жазуучунун чыгармалары кырк жылдан бери дүйнө жүзү боюнча эң көп окулган китептерден. Жазуучунун атагын чыгарган “Жалгыздыктын жүз жылы” романы 1970-жылы орус тилине которулуп, Россияда басып чыгарылат. Маркес анын эң мыкты окурмандары дал ушул Россияда жашайт деген. Жазуучу СССРде акыркы жолу 1987-жылы болот. Дүйнөлүк новеллистиканын генийин Кремлде М.С. Горбачев тосуп алганы бар. Сиздерге сунуштап жаткан маек Россиянын “Развитие личности” журналынын 2004-жылдагы №4—санына жарыяланган. – Устатыңыз ким болгон? – Окутуучуларым деп менин […]

Далай-лама «Эңсеген кыялым – НАТОнун штаб-квартирасы Москвага көчүп келсе» дейт

Жакында Дели шаарында Далай-лама XIV ой-туюмдун табигатын изилдеген россиялык эксперттер менен тарыхта биринчи жолу сукбат курду. “Түптүү билим: орус жана будда окумуштууларынын алым-сабагы” аталган жолугушуулар Тибет маданияты жана маалымат Борбору тарабынан “Тибетти сактайбыз” фонду жана Москва ой-туюмду изилдөө борбору менен биргеликте уюштурулган. «Коммерсантъ FM» радиостанциясынын серепчиси Станислав Кучер буддисттердин рухий жолбашчысы менен адамзаты XXI кылымдын экинчи ондугунда кездешкен башкы көйгөйлөр тууралуу баарлашты. – Буга чейин сиз жашооңуздун башкы максаты катары сүйүү, боорукердик жана башка гуманитардык баалуулуктарды диний эмес усулдар менен, […]

Будда: Миңдеген шамдарды бир гана шам менен күйгүзүүгө болот…

Будда (Сиддхартха Гаутама) – рухий устат, диний-философиялык «буддизм» окуусунун жол салуучусу. Анын учкул ойлору, окуучулары менен болгон сукбаттары, жашоосу жөнүндөгү икаялар менен осуяттары Будда өлгөндөн кийин жолун жолдоочулар тарабынан жыйналып, ал жазмалар «Трипитаки» (буддизмдин ыйык китеби) деп аталып калат. Будданын туулган күнү Калмыкия республикасынын улуттук майрамы катары белгиленет. Бүгүнкү күндөгү биз – бул биздин кечээки ойлорубуздун натыйжасы, ал эми бүгүнкү ойлорубуз эртеңки күнүбүздү жаратат. Жашоо бул – биздин акылдын туундусу. * * * Жек көрүү менен жек көрүүнү жеңе албайсың. […]

Назгүл ОСМОНОВА: Сен берген гүлдөр тирилбейт…

* * * Дилдеги сөздү айталбай, Карадың неге тайсалдай? Өткөнүн жылдар карачы, Ирмемдей болуп байкалбай. Эстетип эбак өткөндү, Жылдарга терең чөккөндү Эңсетип кайра башынан, Жадымдан чыкпас көктөмдү. Алдымдан чыксаң жаркырап, Аптыгып, жүрөк тартынат. Сезимдер толкун — ал сенин, Жээгиңе карай тартылат… Ак карда аппак махабат Ырларда баары айтылган, Ырларга сүйүү катылган. Эстетип таттуу күндөрдү Чакырбай жүрчү артымдан. Сен сүйдүң сүрдөп тартынып, Мен сүйдүм сага тартылып. Келгеним сага билдиңби, Кылымдын жүгүн артынып. Сен сүйгөн ошол деңизмин, Ар качан толук, тегизмин. Жаралып […]

Михаил ЖВАНЕЦКИЙ: Диетага отурарың менен жаныңда сөзсүз бирөө көзүңдү күйгүзүп тамактана баштайт

Сексендин кырына келген Жванецкий кыска жана нуска ойдун залкары, анын учкул ойлорунан ар бирибиз өзүбүздү көрөбүз. Каалабасак да… * * * Эч качан душмандардын аңкоолугу менен достордун берилгендигин ашыра баалабагыла. * * * Эгерде сага “сиз көп кырдуу адамсыз”, — дешсе, азгырылба. Балким, ал адам бул сайткандарында акмак, мите, жексур жана кара мүртөз дегенди кошуп аткан болбосун. * * * Ийгилик чечкиндүүлөргө жылмаят… Андан соң алардын үстүнөн көпкө күлөт! * * * Ойлонуу ушунчалык кыйын, андыктан көпчүлүк адамдар баа гана […]