Жан-дүйнөнү козгогон улуу ойлор

  • Кээ бир адамдар 25 жашында эле өлүп калышат, бирок аларды 75 жашка чейин көмүшпөйт.
    Бенджамин Франклин
  • Мен соккунун 10 000 түрүн үйрөнгөн адамдан коркпойм; мен бир эле соккуну 10 000 жолу жасаган адамдан чочуйм.
    Брюс Ли
  • Мектепке өзүңөрдүн билим алууңарга тоскоолдук кылууга мүмкүндүк бербегиле.
    Марк Твен
  • Адам өлөт, улуттар жок болуп кетиши мүмкүн, бирок идея жашай берет.
    Жон Кеннеди
  • Оорусу өтүшүп кеткен коомго үйүр алышып жашоого эч кандай ден-соолугуң жетпейт.
    Жидду Кришнамурти

                            

  • Кээ бирлер кайда келбесин кубаныч алып келет, кээ бирлер кеткен жерине кубаныч тартуулайт.
    Оскар Уайльд
  • Мен өз душманымды досума айлантсам, ошондо аны жеңгеним болобу?
    Авраам Линкольн
  • Жалган нерсени далил менен жокко чыгарыш кыйын, анткени ал акыл-эске таянбаган нерселерге таянат, аны логиканын күчү менен жеңе албайсың.
    Трайон Эдвардс
  • Эгерде кеме кургуң келсе, адам чакырып, долбоор түзүп, шаймандарды камдап убара болбо. Адамдарды деңизге чыгууга кызыктырып, делебелерин ойготсоң, алар кемени өздөрү эле курушат...
    Антуан де Сент-Экзюпери
  • Коопсуздугу үчүн эркиндигин курмандыкка чалган адам, эркиндикке да, коопсуз болууга да татыксыз.
    Бенджамин Франклин
  • Акыркы дарак куурап калганда, акыркы деңиз соолуганда, акыркы канаттуу өлгөндө, акыркы балык жок болгондо, адамдар ошондо гана акчаны жегенге болбосун түшүнөт.
    Индия макалы
  • Коркуунун башаты – сени коркуткан адамдын колунда эмес, а өзүңдүн жүрөгүңдө.
    Халиль Жебран
  • Баардыгы даанышман. Бирок балыкка бакка чыгуу жөндөмүнө карата баа берсек, ал өмүр бою өзүн келесоо сезмек.
    Альберт Эйнштейн
  • Бардыгы күнөөлүү – коомдо, жападан жалгыз кылмыш – бул кармалып, колго түшүү. Уурулар дүйнөсүндө жападан жалгыз катуу күнөө – бул келесоолук.
    Хантер Томпсон
  • Миң чакырымдык жол да алгачкы кадамдан башталат.
    Лао Цзы

Которгон Абийрбек АБЫКАЕВ

Окшош материалдар

Комментарий калтырыңыз