Макс Фрай: Аялдар – жин тийген канаттуулар сыяктуу

Аскадан ылдый туңгуюкка кулап баратсаң, эмне үчүн учууга аракет кылууга болбосун? Андан эмнең кетмек эле?

♦ ♦ ♦

Менин эң жакшы эрежем бар: айланамда болуп жаткандар жакпай калса, ал жерден дароо кетем.

♦ ♦ ♦

Экөөбүз азаматпыз, биз колдон келгендин бардыгын жасадык. Эми колдон келбеген нерселерди бүтүрсөк ийгиликке сөзсүз жетебиз.

♦ ♦ ♦

Өзүңдү сүй жана макта. Ушундай маанилүү ишти чоочун бирөөгө табыштаган болобу!

♦ ♦ ♦

Кээде алдыга жасалган чечкиндүү кадам, көчүккө жеген тепкинин жыйынтыгы.

♦ ♦ ♦

Аялдардын бардыгы – жин тийген канаттуулар сыяктуу. Маселе мында: алардын көпчүлүгү учканды үйрөнүүгө аракет кылгандан көрө, жылуу уя салып алганды артык көрүшөт.

♦ ♦ ♦

Бир мааниси чоң купуя сырды ачайын: керектүү деген жерге барба, каалаган жагыңа бар.

♦ ♦ ♦

Эмне туура, эмне туура эместигин ар бир адам өзү тандайт. Ойлонуп тандоону адатка айлантып алсаң, сага жаккан нерсенин бардыгы туура.

Которгон Абийрбек АБЫКАЕВ

Окшош материалдар

Комментарий калтырыңыз