Шайлоо такмазалары-3

- Сен чынчыл шайлоого ишенет экенсиң, мен сыйкырчылыкка ишенем. Ошондо кимибиз кыялкечпиз?

*   *   *

- Салык төмөндөгөнүн, карчарба менен айлык көтөрүлгөнүн, товарлар арзандап, өлкө өнүгүү жолуна түшкөнүн ушунчалык уккум келет дейсиң...

- Бул үчүн шайлоо өткөрүлүшү керек!

*   *   *

- Оппозициянын шайлоодо утар күнү болобу?

 - Качан сен экинчи аял алганыңда.

- Менде эки эмес бир да аял жок да.

- Бул эч качан адилет шайлоо өткөрүлбөйт дегенди сени оңой түшүнсүн деп жатканым.

*   *   *

- 7 жашымда Марска учкум келчү. Азыр болсо акысыз медициналык дарыланууну жана адилет шайлоону каалайм...

- Көрсө бала чагыңда азыркыга караганда сергек ой жүгүртчү турбайсыңбы.

*   *   *

Эгер короого балдар аянтчасын куруп башташса, анда шайлоо өнөктүгү жакын калды деп биле бер.

*   *   *

- Жолдош шайлоо участогунун башчысы, добуш бергени келсек биздин ордубузга башкалар шайлап коюшуптур!

- Эх шайлоочум, сеники да эч нерсе эмес, иштегени келсек биздин ордубузга добуштарды башкалар санап коюптур.

*   *   *

Шайлоо алдындагы убада шайлоодон кийинки убарага айланат деп ойлогондор депутаттыкка эч качан коюшпайт.

*   *   *

Шайлоодо кимге добуш берерди билбейм. Ал эми билген талапкерлерге добуш бергим келбейт.

*   *   *

Жакшылап коркутулган шайлоочу жакшылап тойгузулган шайлоочу менен бирдей.

*   *   *

- Кимдерге добуш бериш керек? Бай саясатчыларгабы же кедейлеринеби?

- Кедейлерин шайлабаш керек. Ачка немелер казынага кол салбай койбойт.

- Анда байларга добуш берели.

- Алар байлыкка уурулук менен жетишкен. Көнгөн немелер дагы эле болсо уурдашат.

- Анда кимдерди шайлайбыз?

-  Эркин тандоо деген мына ушул болот!

*   *   *

Бакта сыр тиштеп карга отурат. Өтүп бараткан түлкү суроо берет:

- Карга, шайлоого барасыңбы?

- Жок, - дегиче сыр оозунан ыргып түлкүнүн алдына түшөт. Карга ойлонот: “А эгер мен “Ооба” десем эмне өзгөрөт эле?”

*   *   *

Шайлоо алдындагы чоң убадалар шайлоодон кийин жаңы депутаттын унутчаактыгы менен компенсацияланат.

*   *   *

Кыргыз радиосунан суроо берилет:

- Эмне үчүн БШК талапкерлерге билим алган окуу жайын өзү жөнүндөгү маалыматка жазбоого уруксат берди?

- Анткени бардык эле талапкерлер өзү окуган окуу жайынын аталышын туура жаза алышпайт.

*   *   *

- Биздин талапкерге добуш бергиле, анткени ал чынчыл, убадага бекем жана жоопкерчиликтүү жолдош! Суроолор барбы?

- Бар. Ал кайсы статья менен отурду эле?

*   *   *

Көз карандысыз талапкердин шайлоо алдындагы урааны: “Башкалар Кыргызстанды уурдап сатып жатканда мен сатып ала бергем!”

*   *   *

- Менин добушум эч нерсени чечпейт.

- Сиз шайлоочусузбу?

- Жок, ырчымын.

Которгон Кубанычбек АРКАБАЕВ

Окшош материалдар

Комментарий калтырыңыз