Маргарита НАВАРРСКАЯ – (1492-1549), «Гептамерон» сүйүү новеллаларын жазган Наварра королевасы

Көрүнгөн аялга чөгөлөп сыйынганча бир эле аялдын кадырына жетип ал.

*     *     *

Аялдар сараң келет. Бирок атак-даңкы чыккандары сараңдыгын жеңе баштайт.

*     *     *

Сыдыргыга тарткандай жакшы тарбиялуу аялга канча жүгүнүп сый кылсаң да туруш-турпатынан жазбайт.

*     *     *

Кызганыч сүйүүдөн чыгат дешет. Андай эмес. Сүйүүдөн чыккан күндө деле ал кудум оттун күлү сымал. Отту оттон чыккан күл, сүйүүнү сүйүүдөн чыккан кызганыч өчүрөт.

*     *     *

Аялзаты өзүн-өзү өтө жогору баалайт. Алар ошон үчүн эч качан бир эле эркекке каниеттенбейт. Ал эмес пакизасы да бир учурда жандилинен үч эркекти көзүнүн агы менен айлантып турганды каалайт. Биринчиси сый-урмат көрсөтүп, экинчиси байлыкка чулгап, үчүнчүсү ыракат тартуулап туруусу абзел. Бул учурда тиги үчөө өздөрүнчө эмнени ойлойт? «Мени сүйөт» деп. Жо-ок. Чынында сый-урмат кылганы да, байлыкка чулгап жүргөнү да, ыракат тартуулап жүргөн шылуунчалык кадыр-баркка жетпейт.

*     *     *

Бир поптун кызматчы кызы менен болгон мамилесин ириткенге караганда, миң түгөйдүн ак никесин чириткен оңой.

*     *     *

Жок жерден чатак чыгаргандын өзү кудайга күнөө кылгандан да оор.

*     *     *

Сүйүү алдамчынын алдамчысын да алдайт.

*     *     *

Эркекти эркектей тарбиялаганга эркек, аялга аял керек. Агер эркекти аял тарбиялайм десе, аялдын жумшактыгы; аялды эркек тарбиялайм десе, эркектин катуулугу жолтоо.

Которгон О`Шакир