Кылымда кыйшайбас ОШО ойлор

08.06.2021
3890

Эгерде сен сүйүп, бирок ал сүйбөсө – сөйкөнбөй кала бер. Эгерде сен сүйбөсөң, бирок ал сүйсө – аны карап, баалап, ойлонуп көр. Эгерде бири-бириңди сүйсөңөр – ал сүйүү үчүн күрөшкүлө.
Жашоо сыноолору болуп турганда, маанайың жакшы же жаман болгондо, сүйүнүч жана күйүнүч тартканыңда, кыш менен жаз барда, күн менен түн, кайгы менен кубаныч болуп турганда гана болушу мүмкүн. Жашоо өз кыймылын бири-бирине карама-каршы келген эки уюлдун ортосунда жасайт. Карама-каршы кыймылдардын ортосунда тең салмактуулукту сактаганды үйрөнөсүң. Ошол эки канат болгон үчүн эң алыскы жылдыздарга учуп барганды үйрөнөсүң.
Жолугушкандан кийин жан-дүйнөңөр аз да болсо тазара түшкөн адамдарды барктап, сактагыла.
Каалайсыңбы, каалабайсыңбы – жалгыз экениңди моюнуңа ал. Жалгыздык – бул сенин жаратылышың. Сен аны унуткуң келет, досторду, көңүлдөштөрдү табасың, элге аралашасың... Бирок не аракет кылба, ал калкып үстүндө калат. Көңүл тереңиндеги жалгыздыгыңа алардын тиешеси жок, ал кол тийгис боюнча кала берет.
Адамдар олуттуу көз караш менен калгылары бар, ошонун айынан көп кыйынчылыктарга кабылышат. Көбүрөк күлгөнгө аракет кылгыла, мен үчүн күлкү сыйынуу сыяктуу эле ыйык нерсе.
Сен баарын билесиң. Сен ар дайым бардыгын билчүсүң. Бирок сен дүйнөнүн жарымын кыдырасың. Жүздөгөн китептерди окуйсуң. Ондогон устаттарды алмаштырасың. Ошондо гана эч жакка баруунун кереги жогун, бардык китептер бир эле нерсе жөнүндө экенин, устат да бирөө эле экенин жана ал өзүңдүн ички дүйнөңдө экенин түшүнөсүң.
Сен жөнүндө эч ким, эч качан айтып бере албайт, алар эмне дебесин өздөрү тууралуу гана айтышкан болот.
Сүйүү белгисиздиктерге барууга жөндөмдүү. Сүйүү бардык кепилдиктерди ыргытып салат. Сүйүү тааныбаган жана изилденбеген жерлерге боюн таштаганга кудуреттүү. Сүйүү – бул эрдик. Сүйүүгө ишенгиле.
Башыңардан чыгып, жүрөгүңөргө киргиле, аз ойлонуп, көбүрөк сезгиле. Ойлоруңа жабышпай, сезимдерге чөмүлгүлө... Ошондо жүрөгүңө жан кирет.
Сүйүү – бул дүйнөдөгү эң кубаттуу жана дарылык касиети бар күч. Сүйүү сыяктуу терең эч нерсе жок, анткени сүйүү – денеңди гана дарылабайт, ал акылыңды, жан-дүйнөңдү да айыктырат. Сүйүүгө жөндөмдүү адам өзүнүн бардык жаракаттарынан арылат... Жан-дүйнөңдүн эң эле ыйык деген жерлерин да Сүйүү гана калыбына келтирет. Сүйүү сырын түшүнгөн адам, Жашоонун улуу купуялуу сырына ээ болот.
Абийрбек АБЫКАЕВ