Атасы менен баласы аска-зоолуу тоону аралап бара жатышты. Бир кезде бала ташка чалынып жыгылып, катуу кыйкырып жиберди:

- А-аа-аа!!!

Анан ал капчыгайды жаңырткан кайдандыр бир үндү укту, ал үн анын артынан кайталап жаткан:

- А-аа-аа!!!

Коркуп кеткен бала кыйкырды:

- Бул жерде ким бар?

Ошондо ал мындай жооп алды:

- Бул жерде ким бар?

Жини келген бала кайрадан кыйкырды:

- Коркок!

Аны туураган үн жаңырды:

- Коркок!

Бала атасын карады:

- Ата, бул ким?

Атасы жылмайды да, катуу кыйкырып жиберди:

- Уулум, мен сени сүйөм!

Ошондо үн жооп берди:

- Уулум, мен сени сүйөм!

Атасы дагы кыйкырды:

- Сен мыктысың!

Ошондо үн жооп берди:

- Сен мыктысың!

Бала таң калып, эч нерсе түшүнгөн жок. Анан атасы ага түшүндүрүп берди:

- Адамдар муну жаңырык дейт, бирок чындыгында бул жашоо. Ал айтканың менен кылган ишиңдин баарын өзүңө кайтарып берет.

Икаядан алчу сабак:

Биздин жашообуз жөн гана иш-аракеттерибиздин чагылышы. Эгер дүйнөдөн көбүрөк сүйүүнү кааласаң, айланаңдагыларга көбүрөк сүйүү бер. Бакыт кааласаң, айланаңдагыларга бакыт бер. Жүрөктөн жылмаюуну кааласаң, тааныштарыңа чын жүрөктөн жылмай. Бул жашоонун бардык учурларына тиешелүү: ал биз бергендин баарын кайтарып берет. Биздин жашоо кокустук эмес, өзүбүздүн элес.

Которгон Абийрбек АБЫКАЕВ