Сиддхартха Гаутама (Будда)
Жүрөгүңдү ачуу-заардан тазала, жек көрүүнү жек көрүү менен жок кыла албайсың, бир гана жек көрүүнүн жоктугу, жек көрүүнү өлтүрөт.
♦ ♦ ♦
Ачууңду тыя албай жинденгениң – бирөөнү ысык чок менен ургандай кеп, эң ириде өз колуң күйөт.
♦ ♦ ♦
Жаштыгына сыймыктанып мас болуп, карылыгын көрө албаган алсыздар, шордуу адамдар!
♦ ♦ ♦
Бүкүрдүн белин түзөгөндөн көрө, андан бир топ оор нерсени жаса – өз далыңды түздөп басканды үйрөн.
♦ ♦ ♦
Башыңа түшкөн кыйынчылык – өзүң бир нерсеге көрсөткөн каршылыктын жыйынтыгы.
♦ ♦ ♦
Бакыт – бул айрым сырткы шарттардын ийгиликтүү дал келиши эмес. Бул жөн гана акыл-эсиңдин абалы.
♦ ♦ ♦
Бейпилдик өз ичибизде. Аны сырттан издебегиле.
♦ ♦ ♦
Бөтөн бирөөнүн мыкты сапаттарына ич күйдү болбой, ага суктан да, ал сапаттарды өзүңө алганга аракет кыл.
♦ ♦ ♦
Мыкты ден-соолугуңа кубанып, үй-бүлөңдү бактылуу кылып, башкаларга бейпилчилик тартуулайм десең, адегенде өз акылыңды башкарууну үйрөн. Эгер адам өз аң-сезимин башкара алса, ал Агаруу жолуна түшөт жана албетте, акылмандык, кең пейилдик ага өзүнөн өзү келет.
Сократ
Жакшы кеңешчи бардык байлыктан жогору турат.
♦ ♦ ♦
Ар бир адам достору аны кандай бааларын аныктап, ал бааны жогорулатканга аракет кылганы жакшы.
♦ ♦ ♦
Адамдар өздөрүндө жок ой эркиндигин, сөз эркиндигине алмашууну талап кылышат.
♦ ♦ ♦
Чыныгы акылмандык – өзүбүздүн эч нерсе билбестигибизди түшүнгөндө.
♦ ♦ ♦
Акылман адамдын пейили кенен.
♦ ♦ ♦
Ким экениң, оозуңдан сөз учканда билинет.
♦ ♦ ♦
Жаратылыштагы көп кубулуштарга адам акылы жетпейт же алардын адам жашоосуна тиешеси жок.
Платон
Турмуш трагедиясы менен комедиясында кыйынчылык менен жыргалчылык аралаш.
♦ ♦ ♦
Келесоону эки белгисинен тааныса болот: ал өзүнө керексиз сөздөрдү көп сүйлөйт, сурабасаң да өз оюн билдирет.
♦ ♦ ♦
Эң ынак мамиле, жан дүйнөсү окшош адамдардын ортосунда болот.
♦ ♦ ♦
Сүйүү – бул олуттуу психологиялык оору.
♦ ♦ ♦
Уят бул – шылдың болуудан коркуу.
Аристотель
Бакыт – топук кылган тарапта.
♦ ♦ ♦
Муштум менен коргоно албаганың уят, сөз менен коргоно албаганың андан да уят.
♦ ♦ ♦
Себеби болбосо, балээ кайдан чыгат?
♦ ♦ ♦
Кең пейилдик жөнүндө жакшы кеп айтуу кең пейил болуп калды дегендик эмес, адилет ойлорду айтса эле иш жүзүндө адилеттүү адам дешке болбойт.
♦ ♦ ♦
Мас болуу – өз эрки менен жинди болуу.
Луций Анней Сенека
Көп сызыктын ичинен кайсы сызык түз экенин билесиң дейли; а жашооңдогу түз жолуңду билбеген соң, анын кажети кайсы.
♦ ♦ ♦
Жарадар болгондон да корккон учурларыбыз арбын; чындыкка караганда ишке ашпаган кыялдарыбыздан көп жабыркайбыз.
♦ ♦ ♦
Эгер сага ишенимдүү адам болсун десең, аны дал ошондой адам катары көрөрүңдү билдирүү өтө маанилүү. Ишенбөөчүлүк көрсөтүү – сага кандайдыр бир деңгээлде аны алдоого укук берери анык.
♦ ♦ ♦
Эң кедей адам – сараң адам.
♦ ♦ ♦
Өзүңдү кармай билүү – бийликтин чокусу.
♦ ♦ ♦
Кылым жашасаң да, кылым бою окуп үйрөн.
Марк Аврелий
Бактылуу жашоо үчүн аз эле нерсе керек. Бардыгы өз көз карашыңа байланыштуу.
♦ ♦ ♦
Туура эмес нерсе жасаба. Жалган сүйлөбө.
♦ ♦ ♦
Дүйнө – бул өзгөрүү, жашоо – аны кабыл алуу.
♦ ♦ ♦
Күч менен ала албаганыңды, акылың менен жең.
♦ ♦ ♦
Адам учур чакта гана жашоого тийиш. Калганы өттү, кетти. А келечектин келер келбеси белгисиз.
Гераклит
Эгер бардык жашоо түтүнгө айланса, аны таанып-билүүнүн мүчөсү таноолор болмок.
♦ ♦ ♦
Жашоого туулуп, өлгөндөрү аз келгенсип, алар кайра дагы өлүм жаратуу үчүн аркаларына балдарын калтырат.
♦ ♦ ♦
Ар түрдүүлүктөн гармония пайда болот.
Диоген Синопский
Бир кезде мен да силердей болгом, бирок силер эч качан азыркы мендей боло албайсыңар.
♦ ♦ ♦
Таш эстеликтен кайыр сураган Диогенден сурашат:
– Ие, бул эмне кылганың?
– Сураганымды ала албай калганда капаланбоого үйрөнүү, – деген экен.
♦ ♦ ♦
Заар тилдүү адам – азуусу курч жырткычтан айырмасыз, а кошоматчы – колго үйрөтүлгөн айбанаттын эң кокунучтуусу.
♦ ♦ ♦
Мал кармагандар бир нерсени моюнга алуусу керек; мал ээсине эмес, ээси малына көбүрөк кызмат кылат.
♦ ♦ ♦
Философия – тагдырдын бардык соккуларына туруштук берүүгө даярдайт.
♦ ♦ ♦
Александр Македонский: “Сен менден эмнени каалайсың?”— десе Диоген: “Күндүн бетин тоспой, ары тур!”— деп жооп бериптир.
♦ ♦ ♦
Бул жашоодо тойдон кайткандай жүр: суусунуңду кандыр, ошол эле убакта ашыкча ичип-жебегениң туура.
♦ ♦ ♦
Сүйүү уктабаган, коркпогон жана адамдарды жылаңачтап чечиндирген үч касиетке ээ ууру – деп тартынбай айта алабыз.
Которгон Абийрбек АБЫКАЕВ