Партия төрагасы:
— Жогорку Кеңешке талапкерлигиңизди көрсөтөр алдында сурагым келет: Сиз калп айтканды, алдаганды, уурдаганды, бетпактыкты билесизби?
- Жок, билбейм.
- Ка-ап!
- Бирок шайлоодогу жеңиш үчүн алеки саатта үйрөнө калам!
* * *
Шайлоо участкасындагы сүйлөшүү:
- Кандай деп ойлойсуз? Ким жеңет?
- Албетте, биздикилер!
- Биздикилериңиз ким?
- Ким жеңсе ошол биздики!..
* * *
- Эмне үчүн Минюст түзгөн паракорлордун тизмесин жарыялоого тыюу салышты?
- Анткени ал шайлоого бараткан бийлик партиясынын тизмеси менен бир чыкты.
* * *
Эгер шайлоодо кайсы депутатты отургузуш керек деген суроого жооп берүү боюнча шайлоо өткөрүлсө анда шайлоочулар 100% катышмак.
* * *
Калпты аныктоочу детектордон бардык талапкерлердин бир гана жообу чындык экени аныкталды.
– Ал кайсы жооп экен?
– Аты-жөнүңүз ким деген.
* * *
- Биздин атаандашыбыз беш жыл бою силерди алдап, өлкөнү уурдап келди. Биздин силерден бир гана суранычыбыз бар: эми бизге деле мүмкүнчүлүк берип койгула.
* * *
Шайлоо мелдеши – бул Кыргызстандагы кимдин жеңери алдына ала билинген бирден бир мелдеш.
* * *
Алдамчылардын чоң тобу кармалды, алар эч кача чынчыл шайлоо өтпөсүнө жарандарды ишендирүүгө аракет кылып жүрүшкөн.
* * *
“Калп айтпайын”, - деп депутаттыкка талапкер сөзүн баштаганда баары саксына түшүштү.
* * *
Кыргызстандагы депутаттык шайлоого эки таасирдүү күч катышып жатат. Бийлик партиясы саналган биринчи күч шайлоодон утса жергебизде бейиштей жашоо орнорун убада кылды. Динчилдердин жетегиндеги экинчи күч болсо, оо дүйнөдөгү бейишти убадалоодо.
* * *
- Сен шайлоодо кайсы партияга добуш бердиң?
- Бийлик партиясына.
- А канча участкада?
* * *
Шайлоодо утулган талапкер таарынганынан шайлоочулардын суранычы менен өзү курдурган балдар аянтчасын кайра дачасына көчүрүп кетти.
* * *
Шайлоого байкоочу катары катышкан чет элдик байкоочулардын милдети добуштарды туура саноо. Ал эми ички байкоочулардын милдети – башкаруучуларга туура келгидей добуштарды саноо.
* * *
- Ушинтип шайлоо өткөрүштүн эмне кереги бар эле. Жөн гана “Шайлоо кечээ болуп өттү, сиздер сүйүктүү бийлигиңиздердин партиясына добуш бердиңиздер”, - деп жарыялап коюшса жетиштүү да.
- Шашпа, минтип отурса кийинки шайлоодо ошого жетишкени калдык.
* * *
Мектеп деректири мугалимдерге шайлоо тартибин мындайча түшүндүрдү:
- Бардык партиялар тууралуу билиштин деле кереги жок силерге. Негизги партия президентибиздин партиясы. Эгер силерге анын башкаруусу жакса, партиясынын тушундагы төрт чарчыга плюс белгисин койгула, а эгер жакпаса, ошол эле төрт чарчыга минус белгисин койгула. Болду башка эч нерсенин кереги жок.
Которгон Кубанычбек АРКАБАЕВ