Федор Достоевскийди бирөөлөр сүйсө, кээси жек көрөт. Бирок биздин күндөргө чейинки анын актуалдуулугун жоготпогон гениалдуу ойлоруна кошулбай коюуга аргабыз жок.

Келгиле, бул адамдын айткан ойлоруна кунт коюп көрөлү:

♦ ♦ ♦

Ким пайдалуу нерсе кылгысы келсе, анын колу таңылуу болсо да көп жакшылыктарды жасайт.

♦ ♦ ♦

Таарынычтарды акыл-эсиңде сактай бербе, кереметтүү көз ирмемдерге орун тийбей калбасын.

♦ ♦ ♦

Негизги идеяң аткарууга кол жеткис бийиктикте болуш керек.

♦ ♦ ♦

Бараткан жолуңда ар бир үргөн итке токтоп таш ыргытсаң, бара турган жериңе эч качан жетпейсиң.

♦ ♦ ♦

Бардык нерсенин чеги болот, аны бир аттап өтсөң кайра артка жол жок.

♦ ♦ ♦

Биринчи кадамды бири да таштагысы келбейт, анткени ар бири күнөө менде эмес деп ойлойт.

♦ ♦ ♦

Китеп окубаганың — демек, ойлонуудан калганың.

Которгон Абийрбек АБЫКАЕВ