Еврей эл макалдарынан: Ичиңе шарап киргени — сырыңдын сыртка чыкканы

Еврейлердин акылдуулугу тууралуу көп айтылып жүрбөйбү, бул жөн жеринен чыкпаганын алардын төмөндөгү макалдарынан байкасаңыздар болот.

Акчанын бары да жаман, жогу да жаман.

♦ ♦ ♦

Адам — бактылуу адамдардын эң биринчиси, анткени анын кайненеси болгон эмес.

♦ ♦ ♦

Эгерде көйгөйдү акча менен чече алсаң, ал көйгөй эмес, чыгаша.

♦ ♦ ♦

Жаман аялдардан Кудай сактасын, жакшыларынан өзүң сактан!

♦ ♦ ♦

Ичиңе шарап киргени — сырыңдын сыртка чыкканы.

♦ ♦ ♦

Кудай бир убакта эле бардык жерде боло албайт — ошондуктан энелерди жараткан.

♦ ♦ ♦

Таттуу болбо — жеп салышат. Ачуу болбо — түкүрүп салышат.

♦ ♦ ♦

Текенин астынан чыккандан корк, аттын артына баргандан корк, жинди кайсы тарабынан чыксаң да коркунучтуу.

♦ ♦ ♦

Мейман менен балык үч күндөн кийин сасый баштайт.

♦ ♦ ♦

Билим көп орун ээлебейт.

♦ ♦ ♦

Сакалы жок еврей, еврейсиз сакалдан жакшы.

♦ ♦ ♦

Кудай кедейлерди жок дегенде кымбат баалуу күнөөлөрдөн сактайт.

♦ ♦ ♦

Карган кыз күйөөгө тийсе, жаш келинге айланат.

♦ ♦ ♦

Алыстан бардык адамдар жакшы.

♦ ♦ ♦

Жумуртка балким тооктон акылдуудур, бирок ал бат бузулат.

♦ ♦ ♦

Аялдар аз сүйлөсө, эркектер көп иш жасамак.

♦ ♦ ♦

Чыдап унчукпай коюу, жакшы сүйлөгөндөн кыйын.

♦ ♦ ♦

Жаман аял — жамгырдан өткөн кокуй: жамгыр үйгө кубалап киргизет, а жаман аял үйдөн кууп чыгат.

♦ ♦ ♦

Дүйнө адамдар көбөйүп кеткенден жок болбойт, адам сымал айбандар көбөйгөндөн жоголот.

♦ ♦ ♦

Оо жараткан, бутума турганга жардам кыл, — а жыгылганды өзүмө кой.

♦ ♦ ♦

Сүйүү канчалык таттуу болбосун, андан компот кайната албайсың.

♦ ♦ ♦

Эки жаман нерсенин бирин тандап ал десе, пессимист экөөнү тандайт.

 ♦ ♦ ♦

Баары эле акчам жок деп ыйлайт, акылым жок деп айткан бирөө жок.

♦ ♦ ♦

Ак чач акылмандуулуктун эмес, карылыктын белгиси.

♦ ♦ ♦

Кары адам көзү начар көрсө да, көптү көрөт.

Которгон Абийрбек АБЫКАЕВ

Окшош материалдар

Комментарий калтырыңыз