Түгөлбай Сыдыкбековдун “Көк асаба” романындагы нуска сөздөрдөн...

*     *     *

Байыркыны урматтоо – нагыз маданияттын белгиси. (Ф.Энгельс)

*     *     *

Ата конушу уулга мурас.

*     *     *

Башына куш консо,
Журтуна кут түшөт. (Эски макалдар)

*     *     *

Ач калганда ток болууну унутпаң,
Ток болгондо ач калууну эстең!

*     *     *

Эссиз болбо, билги бол.

*     *     *

Антты акбаган киши арам өлгүр!

*     *     *

Көрүнгөн киши өз эмес, өз бирдей эмес. (Эски макал)

*     *     *

Жер тамыры жыш, терең болгондой эле, эл тамыры да жыш, терең.

*     *     *

Кандын өлүмү – эли терс караганы.

*     *     *

Алптын өлүмү – эл алдында уятка калганы.

*     *     *

Эл баккан алптын уят болгону – өлгөнү.

*     *     *

Билгилигиң мокосо, кара күчүң жетим.

*     *     *

Билгиликти кээде эрдик башкарып эсиртип кетир.

*     *     *

Эрдиктин түбү – өзүнө жоо көбөйүр.

*     *     *

Кишинин бир жоосу – уйку.

*     *     *

Эр көзүндө көрүнбөгөн жебе бар.

*     *     *

Эр деми – эм. (Макал)

*     *     *

Киши өлөт, жакшылыгы калат. (Эски макал)

*     *     *

Бычак канча өткүр болсо да,
Өз сабын жонбойт. (Эски макал)

*     *     *

Жалганды чын кыйратат.

*     *     *

Ата кебин эшиткен уул адеп тутат.

*     *     *

Жер тамыры чөп өстүрөт, эр тамыры от күйгүзөт.

*     *     *

Тикенди түбүнөн үз.

*     *     *

Асабаң ала болсо, күчүң чала.

*     *     *

Кан эсирсе, элинен чыгат. Көзүн май басат. Теңирин тааныбай калат.

*     *     *

Эр уул жоого жашын көрсөтпөс.

*     *     *

Акылсыз кол башчы өздү жат көрөт.

*     *     *

Ишеним кишиге аска. Ишенбес киши көпшөк. Ол коркок.

*     *     *

Ээрчиме эрдиктин опуртмасы көп...

*     *     *

Кытай кебез менен мууздайт.

*     *     *

Малды жер асырайт,
Элди эр асырайт.

*     *     *

Эр кол башчы  жокто – кол жетим.

*     *     *

Билги ажо жокто – эл жетим.

*     *     *

Бабаларды урматтабоо – барып турган наадандыктын, адепсиздиктин белгиси. (А.С.Пушкин)

*     *     *

Адамдын от менен суудан өлгөнүн көрдүм, зили адамгерчиликтен өлгөнүн көрбөдүм. (Конфуций)

*     *     *

Акыл иштеринин эң маанилүүсү жана пайдалуусу – өткөндөгү окуяларды сүрөттөп жазуу. (Саллюстий Гай Крисп)

*     *     *

Киши уулу эсиргенде – анын арты кырсык алып келет.

*     *     *

Отумду өчүргөнүң – өзүмдү өлтүргөнүң. (Эл сөзү)

*     *     *

Кеңешчил киши кемибейт.

*     *     *

Ырыс, береке, жылуулук кеткенде адам адам болбойт...

*     *     *

Уурулук – киши кыялына батпас эң ыпылас жосун.

*     *     *

Кырсык аяк астынан табылгандай, бакыт да кишиге айттырып келбейт.

*     *     *

... Тарыхтын негизги милдети ак пейилдер сөзгө алынып, жаман сөздөрдөн, жаман иштерден жана абийир төгүлүүдөн урпактар качсын деймин. (Тацит)

*     *     *

Жети атасын билбеген уул – кул,
Жети атасын билбеген кыз – күң.

*     *     *

Өмүр – киши уулуна өлчөлүү берилген.

*     *     *

Туткундагы эр – канаты сынган куш.

*     *     *

Жазыксыз журт кор болот.

*     *     *

Кеп эшиткендин билгени көп. Алтын, күмүштү байлык туткан киши башын жолдо калтырар, баба сөзүн улаган кишинин орду төрдө болот.

*     *     *

Акыл кеп өмүргө эшик ачат. Кепте кун жок.
Тукум кеп уласа, журттун жылдызы жарык.

*     *     *

Баатыр – согушта, акыл – ачуу келгенде, дос – зарылдыкта сыналат. (Чыгыш элдеринин сөзүнөн)

*     *     *

Эки киши күнөөкөр болсо, бир киши данакер. (Макал)

*     *     *

Тең-теңин тапса, деңиздей чалкып жашайт. (Эсхил)

*     *     *

Баатырлар кыйгач карашканы – баатырдык миздин тайганы.

*     *     *

Шыктуу, баамчыл тарыхчы өзү сүрөттөгөн окуяны кадиксиз сезет, аны көз алдына жандуу элестетет; тескерисинче, шыксыз тарыхчы сүрөттөөдө айрым иштерге көңүл буруп бөгөлөт, негиздүүлөрдү көңүлгө тута албайт. (Г.Гегель)

*     *     *

Эл өмүрүн үлгү туткан киши караңгыда чырактуу. (Эл сөзү)

*     *     *

Тарыхты билбегендигибиз, биз эмне үчүн жашап жүргөндүгүбүздү, эмне көздөп умтулганыбызды да билбей, тукумдабастан жаратылыштын, турмуштун мийзамы менен өлбөстөн кокустан жаралып, кимдиндир оолугуусу сындырган сөлөкөт-куурчак болуп каларыбызды моюнга алуубуз тийиш. (В.О.Ключевский)

*     *     *

Жер удулу табышка оң. (Кол башынын айтканы)

*     *     *

Тарыхтын шам-чырагысыз тактика – түнт. (А.В.Суворов)

*     *     *

Сени кишилер билбейт деп тынчың кетпесин, сен кишилерди билбейм деп тынчың кетсин. (Конфуций)

*     *     *

Киши – киши менен киши. (Эл сөзү)

Топтогон Мээрим Сайдилкан