– Жеки, сен өз жашооңо ыраазысыңбы?

– Билесиңби, кулагым чалган накыл кеп бар мындай: Сенин оор жумушуң – жумуш таппай жүргөн ар бир адамдын кыялы; Сенин бейбаш балаң – балага зарлап жүрүп жетпеген ар бир адамдын кыялы; Сенин кепедей үйүң – үйгө жетпей жүргөн ар бир бечаранын кыялы; Сенин уучуңа толуп-толбогон акча – карызын бералбай зарлап жүргөн ар бир кембагалдын кыялы; Сени кыңкыстаткан ден-соолук – айыккыс дартка кабылган ар бир оорулуунун кыялы; Анан да Жараткан Теңир сенин күнөөлөрүңдү эл көзүнөн жашырганы – өз күнөөсү үчүн шерменде болуп бүткөндөрдүн кыялы; Сен ичкениң ирим, жегениң желим болбой, тынч санаа, тынч уйкуда жүргөнүң – мекенинде согуш оту тутанып, үйү өрттөнгөн ар бир байкуштун кыялы.

Бардын баркына жет. Колуңда эмне болсо, баарына тобо дегин. Бүгүн көргөнүң эртең барбы-жокпу – ким билет?

Кыргызчалаган Бек ТАМЫРЛАН

Эгер “РухЭш” сайтынын ишмердиги токтоп калбашын кааласаңыз, бизди колдоо үчүн төмөнкү банктык эсебибизге өз каалооңузга жараша акча которо аласыз... Мбанк+996 700 532 585 жана ЭЛСОМ +996 558 080 860, МойО +996 0700532585 жана Оптима банк-4169585341612561.