Сүрөт https://rusneb.ru/ булагынан алынды.

АҢГЕМЕ

Өмүрүн түрмөдө өткөрүүгө сот өкүмү чыккан туткун камактан жан-алы калбай качып баратты... Артынан такымдап куугун келе жатты.

Ал болгон күчүн үрөп чуркады... Куугунчулар акырындап артта калды.

– Мына, азыр бет алдында өзү ичке болгон менен суусу терең, жээги бийик жар болгон дарыя агып жатты... Ал болсо сууда сүзгөндү билбейт да!

Берки жээктен наркы жээкти карай ичке, чириген эски тактай арта салынып туруптур. Качкын ага бут шилтеди... Ушул маалда наркы жээкте, дарыянын боюнда анын эч элдешкис касы жана эң жакын досу турган экен.

Касы колдорун бооруна кайчылаштыра кармап, үн катпастан турду; бирок досу үнүнүн жетишинче кыйкырды:

– Кой! Эмне кылып жатасың? Эсиңе кел, келесоо! Тактайдын чирип бүткөнүн көрбөй турасыңбы? Сенин салмагыңды көтөрө албай сынат – ошондо сен мерт болоруң шексиз!

– А бирок бөлөк кечүү деле жок да... арттагы куугунду уктуңбу? – деп аргасы түгөнгөндөн онтолоп ал байкуш тактайга бут койду.

– Жок! Мен жол бербейм сенин өлүп калышыңа! – деп бакырып-өкүргөн жан күйөр досу качкындын бут алдындагы тактайды сууруп жулуп алды. Качкан адам көз ирмемге жетпей сууга шалак этип кулады да чөгүп кетти.

Анын касы ыраазы боло күлдү да басып кетти. А досу суу жээгине отурап алып, бечара... бечара досун жоктоп ыйлап жатты!

Анын өлүмүнө өзүн күнөөлөш, бир көз ирмемге болсо да... оюна эч кирип чыккан жок.

– Менин тилимди албай койбодубу, мени уккан жок! – деп ал капалуу шыбырап жатты.

– А, болору болду! – деди ал акыры. – Ал өмүр бою түрмөдө чириш керек эмес беле! Эми жок дегенде кыйноодон кутулду! Маңдайына жазылган тагдыры ушундай экен да!

– Ошондой болсо да боорум ооруйт! Адам эмеспи!

Ошентип боорукер жан багы жок шордуу досун жоктоп, эчкирип ыйлап жатты.

Орус тилинен которулду.

Эгер “РухЭш” сайтынын ишмердиги токтоп калбашын кааласаңыз, бизди колдоо үчүн төмөнкү банктык эсебибизге өз каалооңузга жараша акча которо аласыз... Мбанк+996 700 532 585 жана ЭЛСОМ +996 558 080 860, МойО +996 0700532585 жана Оптима банк-4169585341612561.