Булак: https://www.thevoicemag.ru/lifestyle/stil-zhizni/citaty-o-seme/

«Үй-бүлө – бул табияттын анык бир шедеври».
Жордж Сантаяна, философ

«Клан дейсиңерби, урук-тууган дейсиңерби, уруу дейсиңерби, үй-бүлө дейсиңерби: кандай атасаңар атагыла, асти ким болсоң да алар сени курчап турганы маанилүү».
Жейн Ховард, жазуучу

«Жашоо үчүн ар адамга үй керек, бирок ошол үйдүн тирөөчтөрү – сени колдоп турган үй-бүлөң».
Энтони Личчоне, акын

«Жашоо ирмеминдеги эң сонун жетишкендиктериң өзүмчүлдүгүңдүн аркасынан эмес, өзүң аздектеген адамдар үчүн кылган аракетиңден көрүнөт».
Уолт Дисней, художник-мультипликатор

«Үй-бүлөңдөгү ынтымак-ырк кан эмес, бири-бириңердин жашоодогу сый-урмат, кубаныч менен байланыштуу».
Ричард Бах, жазуучу

«Очор-бачар үй-бүлө болуу – бул ажайып кут, ошол куттун мүчөсүсүң. Мындан өткөн бакыт барбы өмүр өткөнчө?»
Белгисиз автор
 

«Эң башкысы – үй-бүлө дегендин өзү телегейиң тегиз деген кеп».
Макл Жей Фокс, актёр

«Тынчтык — жашоо көркү. Күн нуру. Наристе күлкүсү, эне мээрими, атанын кубанычы, үй-бүлөнүн ынтымагы. Адамзат жеткен прогресс бул, адилет иштин жеңиши, чындыктын салтанаты».
Менахем Бегин, мамлекеттик ишмер

«Мен үй-бүлөмдүн сүйүүсү менен азыктанам».
Майя Энджелоу, жазуучу

«Үй-бүлөлүк сүйүү – бул жышылып-жыртылганды жымылдатчу май, бирин экинчисине эптештирер цемент, босогоңдон аттаган гармония, музыка».
Ева Берроуз, офицер

«Үй-бүлөлүк сүйүү башаламан, таңууланма, көрксүз обои сыяктуу тажатма, кайталанма оймо-чиймедей».
Патрик О'Рурк, сатирик

«Адамдагы эбегейсиз зор жакшылык, зор жетишкендиктин баары үй-жай жана үй-бүлөсүндөгүлөрдүн ынтымак-ыркында экенинде шек жок».
Уинстон Черчилль, саясый ишмер

"Дүйнө жүзү бизди өз үй-бүлөбүз сүйгөндөй сүйалбастыгына көзүбүз жетти».
Луи Замперини, жөө күлүк

«Үй-бүлө – бул табияттын эрип кетер заты; ал убакыттын өтүшү менен көнөк жамгыр алдындагы туз сыяктуу эрийт».
Пэт Конрой, жазуучу

«Биздин эң башкы инстинкт – эптеп аман калуу эмес, үй-бүлө».
Пол Пирсолл, нейропсихолог

«Үй-бүлөлүк жашоодо эң башкысы – сабырдуулук. А сүйүү көпкө созулбайт».
Николай Чернышевский, философ

«Дүйнөдө эң маанилүүсү эмне? Үй-бүлө. Үй-бүлөң болбосо, коколой баштуу кургурсуң. Үй-бүлө – бул жашооңдун туш-туштан таяган түркүгү».
Жони Депп, актёр

«Бактылуу үй-бүлө – бул таңдагы ажайып асман».
Жордж Бернард Шоу, драматург

«Үй-бүлө – бул бизди ээрчиткен компас. Ал бизди чоң бийиктиктерге жеткирер илхам булагы. Ийгиликсиз учурда бизди сооротор тирек».
Брэд Генри, саясатчы

«Адам өзүнө керектүү бир жетпеген нерсесин издегенде дүйнө кыдырып саякаттайт, бирок аны табуу үчүн үйүнө кайтат».
Жорж Мур, философ

«Үй-бүлө – жашоонун бороон-чапкынындагы деңиз куткаруучусундай».
Жоан Роулинг, жазуучу

«Өз үй, өлөң төшөк – бул сенин адамгерчилигиңди да, иткерчилигиңди да жашырган жер».
Маржори Пэй Хинкли, жазуучу

Которгон Бек Тамырлан

Эгер “РухЭш” сайтынын ишмердиги токтоп калбашын кааласаңыз, бизди колдоо үчүн төмөнкү банктык эсебибизге өз каалооңузга жараша акча которо аласыз... Мбанк+996 700 532 585 жана Оптима банк-4169585341612561.