ПАЗЫЛОВ Абибилла: ОРУС АКЫНЫ ВЛАДИМИР СКВОРЦОВ АБИБИЛЛА ПАЗЫЛОВДУН КОТОРМОСУНДА

Өмүрдүн тынбайт кербени
Эстесем эми эмнени,
Эскиден эсте термени:
Өмүрдүн жиби үзүлөт –
Өлүмжан тынбайт кербени!

Гоголду ажал жеңбеген,
Шекспир жолу эң кенен.
Түбүнөн мыйзам ушундай,
Түрттүрүп ийчү сен белең…

Ар кандай заман тушунда,
Алмустак кылым, учурда,
Николо Паганинибиз,
Аспабын чалып ушунда.

Тажабай издеп жаз-кышта,
Таппайсың такаат жазмышка.
Жаратман менен басташып,
Жадыгөй менен аңдышпа.

Чыгарып чындык атагын,
Чыйралса экен катарым.
Уланат уул-кызында,
Урматы Умай апанын.

Өнбөгөн үрөөн сепкенде,
Өспөгөн көчөт эккенде,
Көңүлдөн өчкөн ысымдар,
Көрүнбөйт тирүү эч жерде.

Турмушуң туташ табышмак,
Тура көр, аны калыстап.
Таланттуу Тарас Шевченко
Тарыхты бойлой арыштап.

Жүгүрүп каным, табында,
Жүрөгүм туйлайт кабында.
Акырет төнүп  алгансыйт,
Пушкиндин атпай сабында.

Айрыкча курсак кайнатып,
Алтының чирийт жай жатып.
Дүйнөлүк маданиятта,
Дүңгүрөйт Чыңгыз Айтматов.

Абалайт кыргыз руху,
Азыркы жана мурунку,
Асылы кызыл жоолукчан,
Азыгы көзгө урунттуу…

Ырымды жаздым бир санат,
Ырыстуу жандан из калат.
Ырастап ынак ышкымды,
Ышкындай курак ыргалат.

Гораций, Байрон баягы,
Петрарка, Феттин аяны.
Жаңырып жамы журт жүзү,
Жашасын жашоо баяны!
2017-жыл