Колдоо көрсөтүү
KY
RU
EN
TR
Вольтер (1694-1778) француз жазуучусу жана философ
Жандилибизди тузактаган жер – Атамекен.
* * *
Мекенге болгон урматыман: чоочун элдердин ага жасаган эмгегине көз жумуп койалбайм. Тескерисинче, менин өлкөмдү сырттан келгендер урматтаган үчүн Мекениме алардан да ашыгырак жан үрөп кызмат кылууга тырышам.
* * *
Ыракаттын анык ыракаты – эмгек.
* * *
Намыс – жакшы адамдардын уучундагы бриллиант.
* * *
Берилген суроолордун ар бирине такалбай жооп берген адам уят-сыятты билбеген адам болушу мүмкүн.
* * *
Жакшы авторлордун чыгармаларын окуй берсең, сен да өз оюңду жетик түшүндүргөнгө үйрөнө баштайсың.
* * *
Дин кумар ойну сыяктуу: адегенде алабармансың, кийинчерек митайым болосуң.
* * *
Зөөкүрчүлүктүн жеткен чеги жана адам табиятын эң бир пастыкка түшүргөн акылга сыйбас чоң зыян – бул дин өкүлдөрү кылган акмакчылык жосундар.
* * *
Мамлекеттеги мыйзамдардын көптүгү – саны самандай дарыгерлериң жүрүп, дарттын дабасын табалбагандай кеп.
* * *
Кылмышка көз жумган адам да, кылмышка тиешелүү.
* * *
Революция кылууга жыйырма том эмес, кенедей чөнтөк китепче жардам берет.
* * *
Куру намыс тарсайып үйлөнгөн шар сыяктуу: кичине эле тешсе, катуу бышылдайт.
* * *
Ичи тарлык – жүрөктөгү уу.
* * *
Карт акын, карт ойнош, картаң жылкы эчнерсеге жарабайт.
