Колдоо көрсөтүү
KY
RU
EN
TR
Франческо ГВИЧЧАРДИНИ
(1483-1540), Италия тарыхчысы жана философ
Адам деген турмуштун тоскоолдуктарына гана эмес, бактылуу ийгиликтерине да туруштук бериши керек.
* * *
Милдетиңди аткарууда бирөөнө жакпай калам же өзүмө душман жаратып алам деп кооптонбо. Милдетиңди так аткарганың, сага аброй апкелет. Кийин ошол аброюңдун далдасында калган душмандарыңдын сага тарттырган зыяндары түккө турбайт.
♦ ♦ ♦
Георг Вильгельм Фридрих ГЕГЕЛЬ
(1770-1831), немис философу
Тарыхты, турмушту карагыла: эл да, бийлик да тарыхтан эчбир сабак албай келет!
♦ ♦ ♦
Алекстандр Иванович ГЕРЦЕН,
(1812-1870), орус жазуучусу жана философ
Театр – турмуштук суроолорго жооп берчү жогорку инстанция.
♦ ♦ ♦
Теодор Годлип ГИППЕЛЬ
(1741-1796), немис жазуучусу
Жарым-жартылай чындык калптан да жаман, ага караганда карандай калпты кармоо эки эсе оңой.
♦ ♦ ♦
ГИППОКРАТ
(460-370 б.д. чейин), байыркы грек дарыгери
Күчтүү ооруну күчтүү каражат менен гана жеңиш керек.
* * *
Эгер ооруң уйкудан кийин жеңилдеп калса, демек, ал оорудан өлбөйсүң.
* * *
Оорунун кайсы түрүнө кабылба: кайратыңан жанбай, тамакты каалооң менен жесең, дарт сага жеңилет. Бул аткарылбаса, дарт сени жеңет.
* * *
Карылар жаштарга караганда аз ооруйт, бирок карылардын оорусу көрдү карай сүйрөйт.
♦ ♦ ♦
Оливер ГОЛДСМИТ
(1728-1774), англис жазуучусу
Адам баласынын эң биринчи тарбиячысы – энелер.
♦ ♦ ♦
Поль Анри ГОЛЬБАХ
(1723-1789), француз философу
Түркөйлүк – ишенимдин биринчи өбөлгөсү, ошондуктан чиркөөдө чокунгандар адамдардын түркөйлүгүн каалайт.
* * *
Адамдын жандүйнөсүнө кирип алган ырымчылдык, ага өмүр бою тынчтык бербейт.
* * *
Дин жөнүндө кенен ой жүгүртө албагандарды дин гана соороталат.
