Колдоо көрсөтүү
KY
RU
EN
TR
Альфред КАПЮ
(1858-1922), француз жазуучусу
О, Кудай, мени бир каражандын кайгысынан куткарчы, жандүйнө кайгысынан өзүм эптеп кутулармын!
* * *
Өзүң да акыры бир акыйкатсыз иш кылганга чейин жашоодогу акыйкатсыз башка иштерге сабырдуу бол.
* * *
Кесипкөй аялга күйөөнүн кереги жок, ойнош күткөнү жетет.
* * *
Эгерде түгөйлөрдүн бирөө сүйүп, бирөө сүйбөсө баарынан жаманы ошол. Агер экөө тең бири-бирин сүйбөсө, андай никедегилер бактылуу болуп калышы да мүмкүн.
Марсель ЖУАНДО
(1888-1979), француз жазуучусу
Акынга турмушка чыккан аял эң биринчи эмнени байкайт? Туалетке кирип чыккан күйөөсү суу агызганды унутуп коёрун.
* * *
Убакыттан кымбат эчнерсе жок экенин билебиз, бирок анын канчасын коромжулаганыбызды санабайбыз.
* * *
Өзүн тарыхта калтыргысы келген ар ким өзү жөнүндө капкайдагы уламышты чыгара берет.
* * *
Бир да ката кетирбейли деп чечилгенден кийин жыйырма корректор кызматка алынган. Бирок болбой эле титулдук баракчада «Британ энциклопудиясы» деп жүрөт.
* * *
Утулуп калып, «ута турган партиядан утулуп калдым» дебеген кишини шахматчы деп эсептебейм.
Уильям Ралф ИНДЖ
(1860-1954), британдык поп
Аңкоолордун эки түрү бар: «Эски экен, демек, мыкты». «Жаңы экен, демек, мыкты».
* * *
Революциянын чыгыш себеби эмнеден? Тажоодон. Бирок буга тарыхта да маани бербей келатышат.
* * *
Баланын кулк-мүнөзүнө таасир этчү ыңгайлуу учур кайсы? Кеминде бала төрөлгөнгө чейинки жүз жыл мурдагы мезгил.
* * *
Кеңири жайылган дин болуш үчүн баардык ырым-жырымды философияга жуурулуштуруу керек.
Элиас КАНЕТТИ
(1905-1994), австралиялык жазуучу
Баарын кайра баштачулар болот, бирок башы кайда – таппайт.
* * *
Анык акындар өздөрүнүн каармандарына чыгармасын жаратканга чейин эмес, жазгандан кийин жолугат.
* * *
Адам баласы ата-бабасынын акыл казынасын жыйнап келгени менен барыбир келесоо экенин көрүп атасыңарбы!
