ШАКИР Олжобай: МАРСЕЛЬ ПАНЬОЛЬ: КОРООСУНАН ҮРҮП ЧЫГАР ИТИ ЖОК ЭРКЕКТИ СҮЙГӨН АЯЛДЫ ӨМҮРҮМДӨ КӨРЕЛЕКМИН

Жан РОСТАН
(1894-1877), француз жазуучусу жана биолог

Чыныгы жазуучу биздин оозубузду дайымкы билген нерселерибизге ачырат.

* * *

Жазуучунун жалыны кагазга түшөт, бирок ал өрттөбөйт.

* * *

Адилетсиз айтылган сын менен да эсептеш, бирок адилеттүү сынга да ишенбе.

* * *

Бир адамды өлтүргөндү кан ичкич десек, миллион адамды өлтүргөн кан ичкичти баскынчы, баарын тыптыйпыл кылган баскынчыны Кудайга теңейбиз.

♦ ♦ ♦

Марсель ПАНЬОЛЬ
(1894-1974), француз кинодраматургу

Оптимист үчүн жашоо көйгөй эмес, чечим.

* * *

Эчкимге ооз ачпаган сыр сыр эмес, бирөөгө шыбыраган же четке бөлүп барып айткан сыр анык жашыруун сыр.

* * *

Короосунан үрүп чыгар ити жок эркекти сүйгөн аялды өмүрүмдө көрелекмин.

* * **

Аял орой кемчиликтер менен жек көрүүнү кечирет. Бир гана шылдыңды кечирбейт.

* * *

Өзү жөнүндөгү пикирди жашыруу эчкимдин колунан келбейт.

* * *

Кыялга канчалык ишенбейин десең да барыбир андан ажырай албайсың.

* * *

Алсыз адамдар «Менин эрким бекем» дегенден чарчабайт.

* * *

Эркекти ойношунун эмес, бейтааныш айымдын көзжашы көбүрөк кайгыртат.

* * *

Жазмакерликтен колу бошобогон жазуучулар өз ойлорун электен өткөрүүгө да убакыт таппайт.

♦ ♦ ♦

Жорж Жин НЕЙТАН
(1882-1958), америкалык сынчы

Чыныгы куудулдун тез таанылганы – ал ооз ачелекте эле элдин оозу жалжайып калат.

* * *

Муштумун түйүп турган адам туура ой жүгүртпөйт.

* * *

Аялдар жаш өйдөлөгөн сайын косметикага, эркектер азилге басым коёт.

Которгон Олжобай ШАКИР