Колдоо көрсөтүү
KY
RU
EN
TR
(1803-1882), америкалык жазуучу
Менин кечки меймандарым саатка карабаса да, сааттын канча болгонун кабак-кашымдан сезүүгө тийиш.
* * *
Жаратылыш бир нерсе жаратарда генийди жаратат.
* * *
Тарыхта эң улуу адамдар кедей болуп өткөн.
* * *
Биз укум-тукумдагыларыбызга караганда замандаштарыбыздын кыялын көбүрөк тартабыз.
* * *
Коом – бул айыкпагандардын ооруканасы.
* * *
Жакшы билимдин шоораты – терең ойлорду да жөнөкөй тил менен жеткирүү.
* * *
Мектепте, университетте эмнени окусак, – ал билим эмес, тек, билимге болгон гана далалат.
* * *
Баламдын мугалимине акча төлөйм, бирок аны мугалими эмес, парталаштары окутат.
* * *
Дүйнө жүзүн чарк айланып сулуулук издесең да, сулуулук көкүрөгүңдө болмоюн аны таппайсың.
Эдгар ХАУ
(1853-1937), америкалык жазуучу
Шайтанды алдасаң мейли, коңшуларды алдоого болбойт.
* * *
Дыйкандар талаа түйшүгү башталган мезгилде наалыса, усталар жылы бою наалыйыт.
* * *
Кыла турган эч иши жок кезде деле дыйкандар менен короздор ымырт таңда ойгонот.
* * *
Сүйүү, оюн – экөө бирдей алдамчы.
* * *
Сүйүү албетте бар, болбосо ушунча ажырашкандар кайдан чыкмак?
* * *
Аялдарды «О, кудая тобо!» дедирткен жаңылыкты жаңылык деп эсептейм.
* * *
Колу-жолу бош эмес адам гана өз салмагын билбейт.
Оливер Уэнделл ХОЛМС (улуусу)
(1809-1894), америкалык жазуучу
Тарыхта мыкты окуучулардын бирин-серини, а начар окуучулардын көбү улуу адам болуп чыкканы белгилүү.
* * *
Ишиң түшкөн убакта эле адамдардын көбү наалый баштайт.
* * *
Тааныш адамың сен жөнүндө кандай ойдо экенин билгиң келсе, кыжырын кайнат.
* * *
Эрди-катын акыр аягы бири-бирине окшошуп калат.
* * *
Ыйлаак жесир тез сооронот.
* * *
Талаш-тартыш акылдуу менен акмакты теңеп коёрун акмактар билген үчүн чыр чыгарат.
