Колдоо көрсөтүү
KY
RU
EN
TR
(1909-1966), поляк акыны, афорист
Жанаша бараткан кыздын юбкасын түрүп кеткен шамалдан өткөн жагымдуу шамал жок.
* * *
Кудай атеистердин да, динчилдердин да тилегин аткарган үчүн ал же бар, же жок.
* * *
Улуттун улуулугу – анын арбир өкүлүнө сиңирилет.
* * *
Өзүнүн диктатор экенин сезбеген диктатордун тагдыры кейиштүү.
* * *
Ар кандай ырым-жырымдын өзү күнөө.
* * *
Айрымдардын үндөбөгөнүнөн деле орфографиялык катасы көрүнүп турат.
* * *
Өз үнү жок элдин үнү – ырдаган гимнинен байкалат.
* * *
Интеллигенция – бул адепсиздиктен коргой турган катмар.
* * *
Бийликке хамелеон келсе, айланасындагы өң-түстөр да алмашат.
* * *
Шекспирдин доорунда Маданият министри ким болгон?
* * *
Түшүмө Фрейд кириптир. Бул эмненин белгиси?
* * *
Өзүң менен өзүң күрөшпө, барыбир жеңилесиң.
* * *
Сенин уруксатыңсыз эшик ачкан кишиге эшигиңди экинчи ачпа.
* * *
Китеби сатылбаган жазуучулар өздөрүн өздөрү тез сатат.
* * *
Макалдардын мааниси бири-бирине карама-каршы. Эл ошонүчүн акылман.
* * *
Бийликте коркоктор отурат, себеби аларга бийликтен ажыроо коркунучтуу.
* * *
Тирүү өлүктөрдүн саясый пикири тез алмашат.
* * *
Такта отурган шым деле сүрүлгөндөн жыртылат.
* * *
Өзү начар окуучу болгон айрым жазуучулар өз мектебин негиздеп алат.
