Колдоо көрсөтүү
KY
RU
EN
TR
♦ ♦ ♦
Жильбер СЕСБРОН
(1913-1979), француз жазуучусу
Акыркы сөз айтканга эмес, акыркы кадам жасаганга аракеттен.
♦ ♦ ♦
Том СТОППАРД
(1937), англис драматургу
Демократия – бул добуш берүү эмес, добуштарды саноо.
♦ ♦ ♦
Влодзимеж СЧИСЛОВСКИЙ
(1931), поляк сатириги
«Ууру!» деп кыйкырсаң, баары жалт карайт. «Адам!» деп кыйкырчы, эчким кулак түрбөйт.
* * *
Тагдыр сокур, бирок алдынан чыккандын баарын жыга чабат.
♦ ♦ ♦
Курт ТУХОЛЬСКИЙ
(1890-1935), немис жазуучусу, публицист
Көпчүлүк адам таптакыр китеп окубайт, бирок окугандай рецензиялайт.
♦ ♦ ♦
Жюльен де ФАЛКЕНАРЕ
(1898-1958), бельгиялык жазуучу
Афорист бир канча сөз менен бир китепке тете, бир китеп менен бүтүндөй китепканага тете ойду айткысы келет.
♦ ♦ ♦
Роберт ФРОСТ
(1874-1963), америкалык акын
Эне кургурдун 20 жылда эптеп киши кылган баласын, эне болор дагы бирөө 20 мүнөттө эле көзүнүн агы менен айландырат.
* * *
Эгерде күнүнө 8 саат тырышып иштесең, жетекчилик кызматка көтөрүлүшүң мүмкүн, бирок жетекчи болгондон кийин күнүнө 12 сааттан иштөөгө тийишсиң.
* * *
Мээ чынында укмуштай орган: ал ымырт таңда ойгоноруң менен иштейт. Жумушуңа жеткенче тынымсыз иштеп атып эле кеңсеге киргенден кийин иштебей калат.
* * *
Мен эчнерседен коркпойм, коркоктордон корком.
♦ ♦ ♦
Рамон Гомес де ла СЕРНА
(1888-1963), испан жазуучусу
Ойлонгон оңой, жазган кыйын.
* * *
Телефон автоматынан жетон кайра чыкса эркек үшкүрөт да, жолуна түшөт. Аял башка номурду терет.
* * *
Пейзажист жаратылышты гана жай отуруп тартат. Себеби ал окшошпой калдым дебейт.
* * *
Эмнеге кыздар кемпирдей, кемпирлер кыздай боёнот?
* * *
Бакыт деген эмне? Бактысыздар өздөрүн бактылуу сезгенинде.
* * *
Ташбака шашпаган үчүн көп жашайт.
* * *
Ово эненин Адам атага айтканын уккандан бери алманын бети кыпкызыл.
♦ ♦ ♦
Фрэнк ХАББАРД
(1868-1930), америкалык карикатурист
Адамдардын черин жазуунун жолу – айткан аңгемелерин уга бил.
* * *
Эгерде сага кимдир бирөө: «Кеп акчада эмес, абийирде» десе, кеп абийрде эмес, акчада.
* * *
Чакырылбаган меймандан өткөн бөжөңдөгөн киши жок.
* * *
Сөзүңдү бөлбөй тыңшаган жандардан абайла.
* * *
Бокс мелдешинде колгап чечпей, полдо жаткан тишиңди тергенден өткөн азап жок.
