Колдоо көрсөтүү
KY
RU
EN
TR
Дельфина де ЖИРАРДЕН
(1804-1885), француз жазуучусу
Көзүбүзгө да, күлкүбүзгө да ишенчилик жок. Бизди эчкачан алдабаган бир гана нерсе – баалуулуктар.
* * *
Чүмбөт оронмой – кылгылыкты кылып койгондордун бетпардасы.
* * *
Аялдар падышачылык кылган менен башкаралбайт.
* * *
Аялдан эргүү ал, бирок кеңеш сураба.
* * *
Коммерция – башкалардын акчасын пайдалана билүү.
* * *
Адам баласын жек көргөн адамдын гана дидары таза.
* * *
Эчкимге жантартпай турсаң эле бирпаста каскүмөн адамга айланасың.
ЖАН ПОЛЬ (Иоганн Пауль Рихтер)
(1768-1825), немис жазуучусу
Денсоолук, байлык, уйку кадырын качан чындап түшүнөсүң? Үчөөнөн тең жедеп айрылып, калыбыңа келгенден кийин.
* * *
Эки адамды чачташтырган оңой, элдештиргенден өткөн балээ жок.
* * *
Бирөөнүн абийири жөнүндө сөз кылган адамды жакшылап эшитсең, өз абийирин төгүп атканына ынанасың.
* * *
Адам бечаранын эң чоң кемчилиги майда-чүйдөдөн өйдө майдалана бергенинен көрүнөт.
* * *
Мактоого эмес, ашата сөккөндөргө камаарабай кулак төшөгөн адам оор салмактуу болот.
* * *
Ээрчиген эмес, алдыда чырак көтөрүп баскан адам көп чалынат.
* * *
Жакшы врач оорудан сактап калбаса да, жаман врачтын колунан сактайт.
* * *
Шамдын жарыгында жүзү жарыктын баары эле күн нурунун алдында жүзү жарык болбойт.
Которгон Олжобай ШАКИР
