Колдоо көрсөтүү
KY
RU
EN
TR
Сальвадор ДАЛИ, (1904-1989), испан сүрөтчүсү
Алты жашымда Колумб, жети жашымда Наполеон болгум келчү, кийин алардан да бийикке умтулдум.
* * *
— Сүрөт тартыш кыйынбы?
— Опоңой же мүмкүн эмес.
* * *
Сүрөт тартып атканда мен өзүмдү кызылдай жинди сезем, бирок жиндилерден айырмам – акылы тунук жиндимин.
* * *
Жиндиден менин бир эле айырмам бар: жинди акылым ордунда деп ойлойт, а мен акыл чегинен чыгып бараткан учурларымды билем.
* * *
Сюрреализм – бул менмин!
Даниил ЗАТОЧНИК, (XII-XIII к.к.), орус жазуучусу
Эси жокту окутуп-чокутуу – жыртык чаначка суу куйгандай кеп.
* * *
Эси жоктор отоо чөптөй: сеппесең деле өсө берет.
* * *
Ит менен чочкого алтын, күмүштүн кажаты жоктой эле келесоого нускалуу сөздүн кереги не…
* * *
Өлгөн адамды күлдүрө албагандай, келесоону окутуп-чокута албайсың.
* * *
Эгер таш суу үстүнө көтөрүлсө же чымчык бүркүттү тээп, чочко тыйынчычканга үрүп калса, келесоолордон деле акылман чыкмак дейм.
* * *
Келесоолордун насаатын укканча, акылдуулардын акыйнегин эшиткен оң.
* * *
Башкалардын башына күн түшкөндө баары акыл үйрөтөт, өздөрүнө келгенделе келесоо.
* * *
Колунда бар көпөстү кайда болбосун таанышат, алыста дос-тамырлары да көп, а колунда жокту коңшулары да көздөрүнө илбейт.
