• Келесоолор менен жиндилерден жол талашпа.
• Эгер аял кааласа – асканы тешип өтөт.
• Кетем дегенге жармашпа, келгенди кубалаба.
• Ылдам – бул жай, бирок токтоосуз кыймыл.
• Жаман адамдын досу болгуча, жакшы адамдын касы бол.
• Карапайым адамдарсыз улуу адамдар болбойт.
• Ким өйдө чыккысы келсе, ал шатыны ойлоп табат.
• Эрди-катын кол менен көз сыяктуу болуш керек: колуң ооруса көздөн жаш чыгат, а көздөн жаш чыкса, кол сүртүп кургатат.
• Күн жакшыны да жылытат, жаманды да жылытат. Ал атайын бирөөнү жылытам деп нурун чачпайт. Өзүн тапкан адам күн сыяктуу.
• Деңиз майда дарыяларды чанбаган үчүн улуу.
• Алыска сапар да жакындан башталат.
• Кылыч өмүрүндө бир эле жолу керек болсо да, аны дайыма тагынып жүрүү керек.
• Кооз гүлдөр мөмө бербейт.
• Төшөктө жаткан адам, чалынып жыгылбайт.
• Бир жылуу сөз, кыштын үч айын жылыта алат.
• Чечиле турган көйгөйгө тынчсыздануунун кереги жок, чечилбей турган көйгөйгө тынсыздангандан пайда жок.
• Бутактын сүрөтүн тартам десең, шамалдын демин уга бил.
• Болгон аракетиңди жаса, калганын тагдырыңа кой.
• Ашынган чынчылдык келесоолук менен чектеш.
• Күлкү чыккан үйгө, бакыт конот.
• Жеңиш, атаандашынан жарым саат ашык чыдай алган адамдыкы.
• Жалбырак чөгүп, таш аккан учурлар болот.
• Муздак чай менен муздак күрүчтү ичип-жесең болот, бирок суук көз караш менен муздак мамилеге чыдоо мүмкүн эмес.
• Ойлонуп туруп чеч, чечим кабыл алган соң ойлонбо.
• Сураган – бир мүнөттүк уят, билбестик – өмүр бою уят.
• Ойлонуп туруп чеч, чечкенден кийин ойлонбо.
• Терең дайра тынч агат.

Которгон Абийрбек АБЫКАЕВ