Талкаланган талант

Оо, илгери «дары булак» аталып жүрүп, кийин соолуп калыптыр деген булак жаңы гана көзүн жылжытып чыгып: «алысырактагы дарыяга кошулсам» деген кыялын талкалашып, курулуш аянтына буруп кетишти.

Келечекке кам көрүү

Айылына жардам берип, “келечектеги биздин жаш мундар кыйналбасын” деген жигердүү инсандын доолбору каржы жоктугунан токтоп турат. Таза суунун тартыштыгынан күңгөйдө жайгашкан айыл кыйналып жатканын билгизбей, канча кылым мурда жашап, жоо бетинде кайтыш болгон баатырдын ай талаага мактаныч үчүн коюлар эстелигине акчаларын эсепсиз которушту.

Өнүкпөй калуу

Бала чагында кошуна өлкөнүн борборуна иш сапарлап барып калышты. Улуттук кийимин кийип, өз тилинде сүйлөгөн адамдарды көрүп: менин борбор шаарым мындан да сонун болсо керек деп кыялданып, эр жетип бой тартканда, улуттук кийим кийип, өз эне тилинде так сүйлөгөн жигитти “өнүкпөй калыпсың” деген мыскылдуу айтылган сөздөр, кемсинте караган көздөр бычаксыз мууздап койду.

Тазалык кызматкери

Мекемеде баары аны эң төмөнкү жийкереничтүү кызматкер катары карашат.

Жоголгон өнөр

Ата-бабасынын баары саяпкерлик менен алектенген. “Азыр техника заманы, жоргону ким минет” деп саттыруу үчүн көндүрүштү. Базарга барып сатып жатып “жорго ат” деп аябай мактады.

– Жоргосун алып кал да, өзүн бер, – деп шагын сындырышты.

Кайраттуу сезим

– Атасы, балдар куса болуп кетти сиз жок... жок дегенде сизге жолуктуруп, сагынычтарын таркатсак болот эле... – Аябай эмгекчил, күжүрмөн иш кылган, бирок жакында гана кырсыктап, ооруканада жаткан күйөөсүнө кайрылды.

– Жок, апасы, кийин менин азыркы абалым балдардын кайсы бир ишке белсине киришине бул абалым терс таасир берип калбасын. Мени күч-кубаттуу мезгилдегидей эстеп калышканын каалаймын...  

Өнүгүү

Жарыбаган стипендиясын алуу үчүн бонкаматка келген студент жетиштүү акчасын алалбай турган окутуучусунун акчасын алып берди.

Жоголгон ишеним

“Сиз биздин фирманын памперсин дайыма алгандыктан, каржы сертификатына ээ болдуңуз”, – деп чалышты. Бирок дайыма өзү алчу памперстин сатуучусумун деген адамдын суроосуна жооп бербестен – “Бул дагы бир алдамчы го”, – деп өчүрүп салды.

Эгер «РухЭш» сайтынын ишмердиги токтоп калбашын кааласаңыз, бизди колдоо үчүн төмөнкү банктык эсебибизге өз каалооңузга жараша акча которо аласыз... Мбанк + 996 700 53 25 85 жана Оптимабанк-4169585341612561.