Колдоо көрсөтүү
KY
RU
EN
TR
Эгерде сен Мамлекеттик Думага барып олтуруп калсаң, эсиңде болсун, сен баасы жетимиш беш сомдук отургучта отурасың, ошондуктан, астыңдагы отургучуңдун өзгөчөлүгүнө жараша иш кыл.
* * *
Куруңду канчалык кынжыйта тартпа — айырмасы жок: башчыларың ур-токмокко алгысы келсе, токтото албайсың.
* * *
Боорукер бол — кармап алмайынча битти да өлтүрбө.
* * *
Таздын баары эле убагында кара чачы сеңселгендерден болгон деп айткан болбойт. Бул жөнүндө өзгөчө ушул учурда унутпашыбыз керек, анткени казак-орустун шапалагы тийген үчүн эле өзүн баатырмын деп жүргөндөр толуп кетишти.
* * *
Төөнүн моюну узун болсо да, аны ак кууга теңебе. Анын сыңарындай, азыркы өлкөнүн камын көрүмүш болуп жүргөн генералдар сыртынан адамга окшошкону менен ичи айбандан айырмасы жок экенин кантип далилдей аласың?
* * *
Жер — бул Аалам жүрөгү, искусство – жердин жүрөгү.
* * *
Тиш ооруну бүткүл дүйнөнүн бактысыздыгы деп эсептеген адам — бул, чыныгы окуяны бир аз апыртып айтканды жактырган адам.
* * *
Өлкө башчылардын элдин суроо-талаптары жөнүндө айткандары, дүлөйдүн музыка жөнүндө айтканындай эле кеп.
* * *
Эгерде тажыясында музыка ойнолуп жатса — маркум аябай көңүлдүү адам болуптур, өлүмдү күлүп-жайнап тосуп алыптыр деп ойлобо; сен жаңылып калышың мүмкүн.
