Колдоо көрсөтүү
KY
RU
EN
TR
Афоризм – бул, ашык жерлери кыскартылган роман!
* * *
Акынга эргүү көп эле жолу издеп келди, бирок аны бир да жолу тапкан жок.
* * *
Бут кийимиң кысып жаткан убакта башыңа күтүлбөгөн ойлор келгенин айт!
* * *
Өзүңө келген атак-даңк тынч уктооңо жолтоо болсо, бирөөнүн атак-даңкы дегеле уктатпайт.
* * *
Өзүңдү күзгүдөн карап туруп, адамга суктанбай коё албайсың!
* * *
Эзоптун өзү эмес, анын сөзү кызык.
* * *
Өмүр бою материалдык байлыгым, жан-дүйнөмдүн байлыгына ичи тарып келет.
* * *
Эл атынан чыгып сүйлөш үчүн, өзүңдүн атың болушу анча деле зарыл эмес.
* * *
Саясатта шапалакты колдонуу, катып калган пряникти жедирүүнү көздөйт.
* * *
Сойлоп көнгөн элди, тизелете албайсың.
* * *
Акылы эшектикиндей болсо да арстан арстан боюнча кала берет.
* * *
Эшек алдыга кетип баратам деп ойлоп алса, аны ордунан жылдыра албайсың.
* * *
Канатым болсо ылдамыраак сойломокмун деп ойлонуптур жылаан.
* * *
Аялдар жаралбаса, үй-бүлөнү эмдигиче эркектер башкармак.
* * *
Үчүнчү жолу үйлөнүү – мурдагы экөөнүн жаңылыштык эместигинин далили.
Учурдагы аял — эринин башкаруу борбору, учурдагы эркек — аялынын жасалма спутниги.
* * *
Сен менин жылдызымсың! — деди жигити, – Сен да менин жылдызымсың, — деп жооп берди колуктусу. Оо жараткан, алар бири-биринин канчалык алыстыкта турушат!
* * *
Сүйүүлөр келет кетет, а балдар кала берет.
* * *
Сени эсимден тангыча сүйөрүмдү дайыма унутуп калам.
* * *
Аялың унчукпай отурганда, аны менен сөз талашыштын зарылчылыгы барбы?
* * *
Эгер аялыңды жеңгиң келсе, аны менен сөз талашпа.
* * *
Ар бир аялды сен сулуусуң деп ишендирсе болот, бирок бир да эркекти сен акылсызсың деп ишендире албайсың.
* * *
Эркектер, аялдарды сактагыла, алар силерди курчап турган айлана-чөйрөңөр!
* * *
– Ойчул адамдарды жактырам! – деди окумуштуу.
– А мен ыймандууларды, – дейт, молдо.
– А мен ишкерлерди жактырам – дейт банкир.
– А мен ийининде башы бар, адамдардын бардыгын жактырам! – дейт төртүнчүсү. Ал баш алгыч желдет эле.
* * *
Жиндилердин саны азайса да, сапаты өсүп жатат.
* * *
Ар бир отоо чөптүн өз талаасы бар.
* * *
Бирөөнүн акылы менен жашап, айлыгы менен оокат кылган он акылдуудан бай жашагандар бар.
* * *
Кадыр-барк Египет пирамидасы эмес – аны кум үстүнө кура албайсың.
* * *
Эмгектенүү – жалкоолуктан эс алуунун эң жакшы жолу.
* * *
Ишенбесек, ушунчалык калп айтылат беле!?
* * *
Астыңда кетип бараткандан ашам дебе, балким ал башка жакка бара жатпасын?
* * *
Жиндини шылдыңдаба, ал балким сенден акылдуу болуп жүрбөсүн?
* * *
Сен жеткен атак-даңкты досторуңдун баары эле көтөрө албасы эсиңде болсун!
* * *
Өлбөстүк да түбөлүктүү эмес…
* * *
Караңгы болбосо жарыктын ылдамдыгы нөлгө барабар болмок.
* * *
Жашоодо көп жолдор бар, бирок бирөөнөн да өзүңдөн качып кете албайсың.
* * *
Башкалар көтөргөн жүк дайыма жеңил.
* * *
Карылыкты сыйла, ал сенин келечегиң.
* * *
Өсүп-өнүгүү маанилүү эмес, анын багыты маанилүү.
* * *
Колтугунда котур ташы бар адамдын колу кучакташканга дайыма бош.
* * *
Ийгилик көчүгүн көргөзсө, аны өппөй коюу акылсыздык.
* * *
Адамдын жашаган, жашабаганы ал өлгөндөн кийин билинет.
* * *
Жаратылыш боштукту сүйбөйт, ошондуктан бир жинди өлсө, экинчиси анын ордун басат.
* * *
Эң кымбат нерселериңди курмандыкка чалып жеңип алган кулдугуңду кантип сүйбөйсүң?
* * *
Менин өткөнүмдү кайрып бергиле, анда менин бактылуу келечегим бар болучу!
* * *
Бирөөнү эле башыңа чыгарып жиберсең, анын артынан узун кезек пайда болот.
* * *
Карылыктан коркпогула, ал деле өтүп кетет.
* * *
Жалкоолук — энергияны үнөмдөөнүн эң жогорку мыйзамы.
* * *
Ар бир улуттун өз еврейлери бар.
Которгон Абийрбек АБЫКАЕВ
