Колдоо көрсөтүү
KY
RU
EN
TR
Анатоль ФРАНС
(1844-1924), француз жазуучусу
Журналистика коомдун заманбап динине айланса, бул – прогресс. Бирок ага мал артынан жүргөндөр менен динчилдер коому ишенбеши керек.
* * *
Көңүлүңдү шылдыңдан башка эчнерсе чөгөралбайт.
* * *
Илим жаңылбайт, илимпоздор жаңылат.
* * *
Бирөөгө китеп карматпа, кайта келбейт. Себеби китепканамда өзүмдүн эмес, жалаң бирөөлөрдөн сурап келген китептер турат.
* * *
Кедейлер гана карызын шак санап берет, себеби, берешендиктен эмес, насыя бергендер кийин бербей койбосун деген чочулоодон улам…
* * *
Жылдыздар жайгашкан чексиз мунарыкка эмес, адамзат ошол мунарыкты ченеп чыкканына таңгалам.
СТЕНДАЛЬ (Анри Мари Бейль)
(1783-1842), француз жазуучусу
Кандай партияга мүчө болбо, акылың жетилген сайын партиядан жандилиң сууй баштайт.
* * *
Жөндүү далил ким бирөөнү сөзсүз таарынтат.
* * *
Сүйүү деп делдектегендерде дос болбойт.
* * *
Баарын таанып, өзүңдү гана тааныбай өтөсүң.
* * *
Өзүн саткысы келген зайып – ычкырын чечпей кууланат.
* * *
Акыл – азгырыктуу кумардан мокойт, азгырыксыз кумардан курчуйт.
* * *
Колуң жетпеген бакытты көбүртүп-жабыртып айталбайсың.
Генри ТОРО
(1817-1862), америкалык жазуучу
Биздин заманда философ профессорлор толтура, бирок философтор жок.
* * *
Арбир эле муун моданын жаңысын кастарлап, эскисин чанат.
Которгон Олжобай ШАКИР
