Колдоо көрсөтүү
KY
RU
EN
TR
Роберт ЛЕМБКЕ
(1913-1989), немис теле-журналисти
Эгерде небересинин тарбиясына чоң ата, чоң энеси кийлигишкен болсо, демек, алар убагында өз балдарына туура эмес тарбия берген ата-энелер.
* * *
Журналисттердин көпкө чейин далыга таптаганы – бычакты кай жериңе сайышты издей баштаганы.
* * *
Билимдүү акмактан да билимсиз акмак жеткен жадаткыр болот.
* * *
Тартип – бул жедеп биз көнүп калган хаос.
* * *
Жетекчинин кесиптик жөндөмү кол алдында иштегендердин кесипкөйлүгүн баалагандан билинет.
Григорий ЛАНДАУ
(1877-1941), орус философу, сынчы, публицист
Эгерде акылмандан акыр аягы кала турган бир нерсе болсо, ал – афоризм.
* * *
Динди Кудай-таала тутпайт, адамдар гана тутат.
* * *
Эл башын көтөрөр доор келгенде пайгамбарлар жолбашчы. Эл чөгө баштаганда жолбашчылар пайгамбарга айланат.
* * *
Адамдар айбанаттар дүйнөсүнөн сүйлөгөнү үчүн айырмаланат. А адамдар дүйнөсүнөн сүйлөбөгөн адамдар айырмаланып турат.
* * *
Абройлуу бирөө же калыптанып калган салт менен күрөшөм десең, өзүңчө салт түптөп, өзүңчө аброй күткөндөй бол.
Андре МОРУА
(1885-1967), француз жазуучусу
Коомдук пикирге ориентир жасаган болбойт. Ал маяк эмес, көңүлдү алаксытар шайтан оту.
* * *
Некролог – адамга берилген эң кыска, эң жалган мүнөздөмө.
* * *
Сын айтуунун эң кылдат жолу – пародия.
* * *
Телефон аркылуу бирөөдөн бирдеңке суранган же баш тарткан оңой. Себеби, өңдү көрсө жүз таярын унутпа.
* * *
Баланы ата-энеге караганда бөтөн адамдар мыкты тарбиялайт, себеби баланы аяшпайт.
* * *
Көпчүлүк адам чынчыл эмес, жатып ичер жалкоо болгон үчүн акмактардын күнү тууйт.
* * *
Аялдын сезими күчтүү, бирок ал жагымсыз нерсенин баарын жашырат.
