Колдоо көрсөтүү
KY
RU
EN
TR
Жан КОКТО – (1889-1963), француз драматургу, акын
Көп кереметти чоң шаардан көрсөң, көп укмушту кичине шаардан угасың.
* * *
Кабанак ит кимдин колунан тамак жесе, ага тап бербейт. Сынчыларың да ошол.
* * *
Тарых – бул акыр аягы калпка айланган чындык. Миф – бул акыр аягы чындыкка айланган калп.
* * *
Сулуулук сулуулукту байкабагандарга да таасир берет.
* * *
Генералдар эмне үчүн аңкоо? Жалаң полковниктердин арасынан тандалганы үчүн.
* * *
Аялдар мурда эмчектери менен ымыркайларды тойгузса, азыр кинопродюсерлерди тойгузушат.
* * *
Акынды эл жабыла мактап, бирок түшүнбөсө – акынга мындан өткөн кайгы жок.
* * *
Адамга сөзсүз искусство керек экенин билем, бирок эмне үчүн – билбейм.
Тадеуш КОТАРБИНЬСКИЙ – (1886-1981), поляк философу
Убакытка келгенде мен өзүмдү наркомандай сезем. Убактымды канча көп пайдалансам, ага ошончолук көзкарандымын.
* * *
Адилеттик үчүн согушсаң да, согуштун өзү адилетсиз. Адилеттүү согушууга эч мүмкүн да эмес.
* * *
Музыка – жөнү жок кайгыртып же кубандыра турган искусство.
* * *
Бийликте туруп байлыкка жеткен эмес, байлыгың туруп бийликке жеткениң уят.
* * *
Философиядан жөндөн жөн баалуу натыйжа чыкпайт, бирок философияны үйрөнө баштаганда эң баалуу натыйжага жетесиң.
